KA tekur á móti Aftureldingu í kvöld

KA tekur á móti Aftureldingu í Mizunodeild karla í blaki í kvöld klukkan 20:15. Liðin eru í toppbaráttunni og má búast við hörkuleik en KA liðið hefur verið á góðri siglingu að undanförnu og unnið báða leiki sína á nýju ári.

Annar af þessum leikjum var einmitt gegn Aftureldingu í Mosfellsbænum þar sem KA vann glæsilegan 0-3 útisigur. Það stefnir í svakalega toppbaráttu enda mörg lið sem ætla sér stóra hluti í vetur og ljóst að um sex stiga leik er að ræða í kvöld.

Athugið að engir áhorfendur eru leyfðir á leiknum en hann verður í beinni á KA-TV, áfram KA!