Útileikur á Neskaupstað hjá strákunum

André og félagar eru klárir í slaginn!

KA sækir Þrótt Neskaupstað heim í Mizunodeild karla í blaki í kvöld klukkan 20:00. Þá má búast við spennandi leik en heimamenn hafa sex stig í 3. sæti deildarinnar en KA sem hefur aðeins leikið tvo leiki í vetur er með þrjú stig.

KA liðið vann frábæran 0-3 útisigur á Aftureldingu í fyrsta leik sínum eftir Covid pásu og má með sanni segja að liðið hafi spilað gríðarlega vel í leiknum og vonandi ná strákarnir að sýna sömu takta í kvöld á Neskaupstað. Lið Þróttar lagði Fylki 0-3 að velli í Árbænum fyrir þremur dögum og svöruðu þar fyrir töp í tveimur leikjum þar á undan.

Leikurinn verður í beinni á heimasíðu Blaksambands Íslands og því um að gera að fylgjast vel með gangi mála, áfram KA!