Úrslitaeinvígi karla hefst í kvöld!

Mateo og Mason ræddu málin í Taktíkinni

Úrslitaeinvígi KA og HK í blaki karla hefst í kvöld er liðin mætast í Fagralundi klukkan 19:30. KA varð þrefaldur meistari í fyrra og hefur unnið bæði Deild og Bikar á núverandi tímabili og strákarnir ætla sér að endurtaka þrennuna frá því í fyrra. Við hvetjum að sjálfsögðu alla sem geta til að mæta í Kópavog í kvöld og styðja þá til sigurs!

Þeir Miguel Mateo Castrillo og Mason Casner leikmenn KA ræddu tímabilið til þessa og komandi einvígi gegn HK í Taktíkinni í gær. Taktíkin er áhugaverður þáttur á N4 þar sem Skúli Bragi Magnússon kynnir sér íþróttalífið á Akureyri og í nágrenni bæjarins.

Ef þú kemst ekki í Fagralund í kvöld þá verður leikurinn í beinni á SportTV