Tryggir KA sér sæti í úrslitum í kvöld?

Deildar- og Bikarmeistarar KA mæta í kvöld Aftureldingu í fjórða leik liðanna í undanúrslitum Íslandsmótsins í blaki. Leikurinn fer fram í Mosfellsbæ en KA leiðir einvígið 2-1 og tryggir sig áfram í úrslitin með sigri í kvöld.

Viðureignir liðanna hafa verið jafnar og spennandi og ljóst að KA liðið þarf toppleik í kvöld til að gera útum einvígið. Strákarnir hafa verið virkilega flottir í vetur og ætla sér að vinna alla titlana í vetur.

Leikurinn hefst klukkan 20:00 og verður í beinni á SportTV en við hvetjum að sjálfsögðu alla sem geta til að mæta og styðja strákana áfram í næstu umferð, áfram KA!