Blakdeild KA og Avis með styrktarsamning

Okkar öflugi hópur sáttur með nýja samninginn

Blakdeild KA gat ekki bara glaðst yfir þremur frábærum sigrum hjá karla- og kvennaliðum sínum um helgina því deildin skrifaði undir nýjan og glæsilegan styrktarsamning við Avis bílaleigu. Blakdeild KA rekur gríðarlega metnaðarfullt starf en bæði karla- og kvennalið liðsins eru í efsta sæti Mizunodeildanna auk þess sem þau munu bæði keppa í Evrópukeppni í upphafi febrúar.

Það skiptir því sköpum að hafa góða styrktaraðila til að standa undir rekstrinum og þessi samningur við Avis einstaklega góðar fréttir.