Annar leikur KA og HK í Kópavogi í kvöld

Einvígi KA og HK um Íslandsmeistaratitilinn í blaki heldur áfram í kvöld þegar liðin mætast í Fagralundi í Kópavogi klukkan 20:00. KA vann fyrsta leikinn í KA-Heimilinu á þriðjudaginn og leiðir því einvígið 1-0. Sigra þarf þrjá leiki til að hampa Íslandsmeistaratitlinum.

Leikir liðanna hafa verið spennuþrungnir í vetur enda klárt að þetta eru tvö bestu lið landsins. HK þarf nauðsynlega á sigri í kvöld enda kæmist KA í lykilstöðu með sigri, það er því mikið undir í kvöld!

Við hvetjum að sjálfsögðu alla KA menn fyrir sunnan til að mæta og styðja liðið til sigurs en leikurinn verður í beinni á SportTV og því um að gera að fylgjast vel með gangi mála ef þið komist ekki í Fagralund, áfram KA!