Júdódeild KA vill óska landsmönnum nær og fjær gleðilegra jóla og farsældar á komandi ári.

Hið árlega Jólamót var haldið í KA heimilinu um helgina. Keppendur voru 35 talsins og á aldrinum 5-13 ára. Áhorfendur voru fjölmargir og fylltu salinn.

Fyrsta æfing eftir áramót er 5. janúar.
Hilmar Trausti Harðarson

Judodeild Ármanns býður júdóka í öllum félögum að mæta á sameinaða árslokaæfingu 2008 sem segir að neðan. 

1. Dagur: 29 (mán)-30(þri).des.2008
2. Tími: 18:30-20:00
3. Staðurinn: Salurinn “Skellur” í Judodeildinni, kjallari í Laugaból, Laugardalnum
4. Æfing: Aðallega Randori æfing

Allir aldursflokkar (Meistarar, Unglingar og Öldungar) karla og kvenna með allar gráður, 15 ára og eldri, eru velkomnir.

Þann 5. desember s.l. tók Hans Rúnar Snorrason gráðun 1. dan, eða svart belti.  Það sem merkilegt er við þessa gráðun að upphaflega stóð til að Hans tæki þetta próf fyrir tæpum 20 árum síðan. En þar sem að Hans var upptekinn við það að eignast 4 börn og læra til kennara þá frestaðist prófið "aðeins".  En betra er seint en aldrei.
 

 Henti inn nokkrum myndum til viðbótar frá mótinu. Þakka keppendum fyrir komuna og skemmtilegar glímur. Myndir

Kyu-mótið sem fram fór í júdósalnum í dag tókst mjög vel.  Félögin sem þátt tóku í mótinu voru KA, JR, ÍR, Ármann, UMFS, UMFG og Samherjar.  Fjöldi keppenda var 60 talsins.
Í tengslum við mótið fór fram dómaranámskeið og að því loknu hefur júdódómurum á Akureyri fjölgað um 400%.
Steinar Ólafsson ljósmyndari og gamalreyndur júdókappi tók mikið af fínum myndum á mótinu og er hægt að sjá þær á þessari slóð:
http://123.is/steinaro
Um sigurvegara í einstökum flokkum er hægt að lesa hér að neðan.

Svokallað kyu-mót fer fram í júdósalnum í KA-heimilinu laugardaginn 22. nóvember n.k.  Á kyu-mótum mega aðeins keppa þeir sem eru með lægri gráðu (belti) en 1. kyu (brúnt belti). 
Keppendur á mótinu verða rúmlega 60 og koma frá öllum félögum á landinu. 
Mótið hefst kl. 10:00.

Eftirfarandi frétt birtist á vef ruv.is.

Judo: Bjarni Evrópumeistari öldunga   Bjarni Friðriksson judokappi varð í gærkvöld Evrópumeistari judomanna 50 ára og eldri, þegar hann sigraði í sínum flokki á Evrópumóti öldunga í Prag í Tékklandi. Hann llagði Rússa í úrslitaviðureign. Bjarni vann bronsverpðlaun á ÓL í Los Angeles árið 1984. Kári Jakobsson varð í 3. sæti í sínum þyngdarflokki í flokki 60 ára og eldri og Halldór Guðbjörnsson varð í 5. sæti í sínum þyngdarflokki sextugra og eldri.

Við hjá Júdódeild KA óskum Bjarna Friðriks, Kára og Halldóri til hamingju með þennan góða árangur þeirra.

Ingþór Örn Valdimarsson, sem er nýjasti júdóþjálfarinn hjá KA, stóð sig vel á fyrsta Íslandsmótinu í Brasilísku Jiu-jitsu (BJJ) sem fram fór um helgina í Reykjavík.

Æfingargjöld leggjast inn á reikning 302-26-50530. Kennitala: 561089-2569. Taka verður fram nafn barns og kennitölu.
Verðskrá má finna með æfingartöflunni hér til hliðar. Æskilegt er að greitt sé fyrir tímabilið fram að áramótum í heild sinni. ( 4 mán ).

Systkinaafsláttur er 50% og frítt fyrir þriðja barn.

K. Hilmar Trausti