Hið árlega styrktarmót handknattleiksdeildar KA verður haldið laugardaginn 7. september en leikið verður á Jaðarsvelli. Mótið hefur verið gríðarlega vel sótt undanfarin ár og ljóst að þú vilt ekki missa af einu skemmtilegasta golfmóti landsins.

Vegleg verðlaun eru fyrir efstu þrjú sætin ásamt verðlaunum fyrir neðsta sætið.
Nándarverðlaun eru á öllum par 3 holum vallarins og lengsta drive á 15. braut. Hægt verður að kaupa aukabolta á 18. teig til að reyna við stórglæsileg nándarverðlaun.

Smelltu hér til að skrá þig á mótið

Einnig er hægt að hafa samband við Jón Heiðar í netfanginu jonheidar@gagolf.is

Spilað er Texas Scramble, höggleikur með forgjöf. Hæsta vallarforgjöf karla er 24 og 28 hjá konum. Leikforgjöf liðs er samanlögð vallarforgjöf kylfinga deilt með 3.

Karlar 15-69 ára spila af teigum 54
Konur, 12 ára og yngri drengir og karlar 70 ára og eldri leika af teigum 45.

Athugið að mótsstjórn áskilur sér réttar til að þjappa rástímum saman ef þess þarf.