Heimaleikur gegn FH kl. 18:00

Það er alvöru slagur framundan í kvöld þegar KA tekur á móti FH í Olísdeild karla klukkan 18:00 í KA-Heimilinu. Strákarnir hafa verið á miklu skriði að undanförnu og er það ekki síst því að þakka að stemningin á undanförnum heimaleikjum hefur verið stórkostleg.

Það er þó krefjandi verkefni framundan en FH er í harðri toppbaráttu og er það lið sem hefur tapað fæstum stigum í vetur. KA hefur þó haft gott tak á FH-ingum í KA-Heimilinu undanfarin ár og við ætlum svo sannarlega að halda því áfram í kvöld.

Við hvetjum alla sem geta til að mæta og styðja strákana í kvöld, baráttan í deildinni er gríðarlega hörð og skiptir hvert einasta stig máli þegar upp verður staðið í haust. Þá er leikurinn í kvöld síðasti leikur liðsins fyrir bikarúrslitahelgina og því frábært tækifæri til að koma sér í gírinn fyrir þá veislu.

Fyrir þá sem ekki komast á leikinn verður hann í beinni á Stöð 2 Sport, áfram KA!