Tvíburarnir semja við KA

Þorri og Nökkvi með Óla Stefáni þjálfara.

Tvíburabræðurnir Nökkvi Þeyr og Þorri Mar Þórissynir semja við KA. Nökkvi og Þorri skrifuðu í dag undir 3 ára samning við KA og munu því leika með félaginu í Pepsi-deildinni í sumar. 

Bræðurnir koma frá Dalvík/Reyni þar sem þeir hjálpuðu uppeldisfélaginu sínu að sigra 3 deildina síðasta sumar. Þeir voru algjörir lykilmenn fyrir Dalvík/Reyni síðasta sumar og skoruðu saman 14 af 27 mörkum liðsins. Auk þess var Nökkvi valinn í lið ársins hjá sérfræðingum fotbolta.net að tímabili loknu. 

Þorri hefur spilað með KA-liðinu í Kjarnafæðismótinu og staðið sig vel í þeim leikjum sem hann spilaði og skoraði 2 mörk er KA vann A-deild mótsins. 

Verður gaman að sjá þessa ungu leikmenn í sumar og fengur fyrir KA að styrkja hópinn með ungum og efnilegum leikmönnum sem eiga framtíðina fyrir sér.