Leikjaskólinn í KA sumarið 2023

Skráning er hafin í leikjaskóla KA sumarið 2023. Skráningin í ár er með öðru sniði en vanalega.

Eins og vanalega verða fjögur tveggja vikna námskeið hjá KA. Undanfarin ár hefur fólk skráð sig á eitt námskeið í einu en í ár ætlum við að breyta því og fólk kaupir allt sumarið. Gjaldinu er verulega stillt í hóf og viljum við endilega að allir krakkar á aldrinum 6-10 ára geti tekið þátt í sumarstarfinu okkar.

Þeir sem ætla líka að æfa fótbolta í 1. og 2.bekk geta verið í leikjaskólanum frá 8:00 fram að æfingu sem hefst kl. 13:00!

Fyrsta námskeiðið hefst mánudaginn 12. júní og er hvert námskeið tvær vikur. Síðasta námskeiðið endar fimmtudaginn fyrir verzlunarmannahelgi.

Námskeiðin eru sem hér segir:

12.-23. júní
26.-7. júlí (í íþróttahöllinni)
10.-21. júlí
24.-3. ágúst

Umsjónarmaður leikjaskólans í sumar er Fjóla Kristjánsdóttir

Smelltu hér til að skrá þig í leikjaskólann.

Frekari upplýsingar veitir Siguróli, íþróttastjóri KA, siguroli@ka.is 

Þeir sem skráðu sig í fyrstu atrennu og skrá sig á næstu dögum fá síðan póst í upphafi næstu viku um frekara skipulag og á hvaða námskeið börnin ætla! Skráningin gildir þó fyrir allt sumarið - eitt gjald.