Blaktímabilið hefst um helgina!

Blakið er að fara af stað! (mynd: Þórir Tryggva)

Blaktímabilið hefst á laugardaginn og það með tveimur hörkuleikjum í KA-Heimilinu! Dagurinn hefst klukkan 13:00 er fjórfaldir meistarar KA taka á móti Álftanesi hjá körlunum og svo klukkan 15:00 mætast kvennalið KA og Álftanes.

Liðin mætast svo aftur í KA-Heimilinu á sunnudeginum, karlarnir hefja aftur leik klukkan 13:00 og konurnar svo í kjölfarið klukkan 15:00.

KA er með hörkulið í vetur og hvetjum við ykkur eindregið til að styðja við bakið á okkar liðum frá upphafi til enda. Ársmiði í blakinu gefur aðgang að öllum heimaleikjum KA í karla og kvennaflokki og kostar einungis 5.000 krónur.