Fréttir

Á laugardaginn á meistaraflokkur kvenna í KA/Þór heimaleik gegn Fjölni og hefst leikurinn klukkan 16:00 í KA heimilinu. Leikurinn er í utandeildinni en þar er KA/Þór í toppbaráttunni með 12 stig eftir 7 leiki en Fjölnir er með 10 stig eftir 11 leiki. Þetta verður eiginlega fyrsti heimaleikur KA/Þór síðan 20. október því að bæði Haukar og Fylkir gáfu sína leiki þegar liðin áttu að koma hingað norður. Við hvetjum alla til að koma og styðja stelpurnar til dáða í þessum leik.

Næstkomandi helgi verða heimaleikir hjá eftirtöldum flokkum: Laugardagur kl. 18:00  KA/Þór - Fjölnir 2  4. flokkur stúlkna yngra ár (2. deild) Sunnudagur  kl. 11:00  KA/Þór - Fjölnir  3. flokkur stúlkna  (2. deild)                      kl. 12:30  KA/Þór - Stjarnan  4. flokkur stúlkna eldra ár (1. deild)                      kl. 13:30  KA/Þór - Stjarnan  4. flokkur stúlkna yngra ár (2. deild) Aðrir leikir hjá yngri flokkum eru: Föstudagur   kl. 14:30  KR - KA  3. flokkur drengja  (bikarleikur)     DHL-Höllinn                      kl. 20:00 Fylkir - KA  3. flokkur drengja (2. deild)         Fylkishöll Laugardagur kl. 13:30 Fylkir - KA  3. flokkur drengja (2. deild)         Fylkishöll

KRAKKAR! LANGAR YKKUR Á HM Í HANDBOLTA? Sá draumur gæti ræst ef þið æfið handbolta.  Nú býður KA öllum strákum og stelpum að mæta frítt á handboltaæfingar í janúar og prófa hvort þetta er eitthvað sem þig langar að stunda í framtíðinni og jafnvel að spila með landliðinu eða stórliði í Þýskalandi nú eða bara að vera með í skemmtilegum félagsskap og taka þátt í hressum leik. Öllum frjálst að mæta og prófa.

Sú skemmtilega hefð hefur verið nokkur undanfarin ár að ýmsir kappar sem gerðu garðinn frægan með yngri flokkum KA hittast í KA heimilinu á annan í jólum og rifja upp forna takta. Það er Davíð Már Kristinsson sem hefur haft forgöngu um þennan hitting og að sjálfsögðu var mikil gleði ríkjandi þegar strákarnir komu saman í ár.

Jólaæfing hjá yngstu iðkendunum í handbolta var haldin um síðustu helgi .  þar  mættu um 100 krakkar með foreldrum og systkinum og tóku vel á því bæði í leik og söng.  Þjálfarar voru með skemmtilega leiki fyrir börnin og óvæntir rauðklæddir gestir mættu á staðinn með gott í poka og tóku lagið með krökkunum.   Jólasveinarnir höfðu orð á því að krakkarnir hefðu verið einstaklega skemmtileg, stillt og prúð.

Árleg jólaæfing 8. og 7. flokks (strákar og stelpur) verður laugardaginn 15. desember kl 10-11. Þar verður farið í skemmtilega leiki og óvæntir gestir munu kíkja í heimsókn. Foreldrar og systkini eru velkomin að koma og horfa á eða taka þátt í æfingunni. Yngstu flokkarnir munu svo fara í jólafrí í samræmi við skólana í bænum. 

Bjarni Fritzson, annar þjálfari Akureyrar Handboltafélags var í viðtali á sjónvarpsstöðinni N4 í gær þar sem hann ræddi við Hildi Jönu um leikinn, Akureyrarliðið og ekki síst segir hann frá gerð kennsludisksins Frá byrjanda til landsliðsmanns. Þá eru sýnd myndbrot af diskinum.

Þá er komið að síðasta tækifærinu til að sjá Akureyrarliðið á heimavelli á þessu ári. Mótherjarnir eru engir aðrir en Íslandsmeistarar HK og það er til mikils að vinna í dag. Til viðbótar hve baráttan er hörð í deildinni þá er einnig í húfi þátttökuréttur í deildarbikarkeppni efstu fjögurra liða N1 deildarinnar að aflokinni 12. umferð. Athugið að leikurinn í dag hefst klukkan 19:15, fimmtán mínútum síðar en venjulega.

Nú er að koma út fyrsti kennsludiskurinn í handknattleik sem gefinn er út á Íslandi. Diskurinn nefnist Frá byrjanda til landsliðsmanns og það eru þeir Bjarni Fritzson og Sturla Ásgeirsson sem hafa veg og vanda að gerð disksins en þeir hafa einnig fengið marga af okkar bestu handknattleiksmönnum í lið með sér á diskinum. Diskurinn fer í almenna sölu þann 7. desember og er að sjálfsögðu skyldueign og draumajólagjöf allra handknattleiksáhugamanna.