Fréttir

Stelpurnar á eldra ári í 5. flokki kvenna fóru til Reykjavíkur um síðustu helgi. Voru þær skráðar í efstu deild þannig að ljóst þótti að allir leikir yrðu hörkuleikir. Ekki bætti úr skák að þar sem færðin var ekki sú besta var dágóð töf á leiðinni þannig að þær náðu í hús korteri fyrir fyrsta leik.

Þórir Tryggvason sendi okkur myndir frá laugardeginum þegar KA/Þór vann FH í N1 deild kvenna með 24 mörkum gegn 22.

KA/Þór fékk sín fyrstu stig í N1-deild kvenna er liðið lagði FH að velli í KA-heimilinu í dag, 24-21. FH-stúlkur voru sterkari aðilinn framan af og leiddu með þremur mörkum í hálfleik, 13-10. KA-stúlkur sneru dæminu við í seinni hálflei og það var ekki síst fyrir frammistöðu færeyska markvarðarins, Fridu Petersen, að KA/Þór landaði að lokum tveggja marka sigri, 24-22, en Frida varði 18 skot í leiknum.

Það er FH sem kemur í heimsókn til KA/Þór á laugardaginn þegar meistaraflokkur KA/Þór leikur sinn fyrsta heimaleik að þessu sinni í N1 deild kvenna. Leikurinn hefst klukkan 16:00 og það er ókeypis aðgangur. Segja má að þetta verði alger kvenna leikur hjá KA/Þór – FH, því dómararnir verða þær Guðrún Dóra Bjarnadóttir og Ragna K. Sigurðardóttir.  Frábært að fá loks kvenndómarapar.  Eftirlitsmaður á leiknum verður hin þrautreynda Helga Magnúsdóttir. Við hvetjum alla til að fjölmenna í KA heimilið og styðja stelpurnar og jafnframt geta menn barið augum nýja gólfið í húsinu en loksins er langþráður draumur orðinn að veruleika með úrbætur á gólfinu.

5. flokkur kvenna yngra ár gerði góða ferð suður um liðna helgi. KA/Þór hafði tvö lið skráð til leiks, annars vegar lið KA/Þór1 sem var skipað reynslumeiri leikmönnum og KA/Þór2 sem var skipað leikmönnum sem eru að stíga sín fyrstu skref í íþróttinni og þeim sem hingað til hafa reynt að hafa sig til hlés inn á vellinum.

KA handboltadagur verður haldin laugardaginn 15. október og vonumst við til að sjá sem flesta.  Þá verður skráning iðkenda/innheimt æfingagjöld og  boðið upp á veitingar.   Í ár ætlum við að leggja áherslu á kvennaboltann í KA/Þór.  Einvarður Jóhannsson ætlar að hafa skemmtilega æfingu fyrir stelpur í 1.-5. bekk kl. 11:30-12:30 og er ÖLLUM  stelpum í bænum á þessum aldri boðið að koma og prófa handbolta. Kl. 12:30 spilar 3. flokkur KA/Þór við FH, kl.14:00 spila sömu lið í 4. flokki og kl.16:00 sömu lið í meistaraflokki kvk.  Þannig að það er tilvalið að koma í KA heimilið á laugardaginn, prófa handbolta, horfa á leiki og fá sér vöflukaffi.

Nú er lokið fyrsta stóra handboltamótinu sem KA kemur að í vetur, það var Íslandsmót 6. flokks yngra ár í stelpna og drengja flokki sem við héldum ásamt Þór. Við viljum byrja á því að þakka Þór fyrir gott samstarf og einnig öllum þeim sem gerðu okkur mögulegt að halda þetta mót jafnt styrktaraðilum, samstarfsaðilum og þeim sem unnu óeigingjarna sjálfboðavinnu.

Nú um helgina fór fram hér á Akureyri umferð í Íslandsmótinu í handknattleik fyrir 6. flokk karla og kvenna. Það voru KA og Þór sem héldu mótið og var leikið í KA heimilinu og Íþróttahöllinni. Nú liggja fyrir öll úrslit og lokastaða í mótsins og er hægt að sjá það allt í leikjaskránni. Einnig eru komnar ljósmyndir frá mótinu. Smelltu hér til að sjá allt um mótið!                

Leikurinn KA/Þór – Fjölnir í 3. flokki kvenna verður á morgun sunnudag 9. okt. kl. 12:30 í íþróttahúsi Síðuskóla en ekki kl. 14:00 í KA heimilinu eins og áður var áætlað.

Meistaraflokkur kvenna KA/Þór hefur gert samning við BK kjúkling Grensásvegi 5 í Reykjavík um að stelpurnar fari þangað að borða fyrir útileikina. Þetta er góður samningur fyrir stelpurnar og við hvetjum alla KA menn og Þórsara að skreppa á BK kjúkling þegar fólk á leið suður.