Fréttir

Þá er komið að lokaleiknum í N1 deild kvenna þegar KA/Þór tekur á móti stórliði Vals. Með sigri á KA/Þór möguleika á að komast í úrslitakeppnina í fyrsta sinn. Valsmenn geta hins vegar tryggt sér deildarmeistaratitilinn með sigri. Komið og sjáið spennandi lokaleik deildarkeppninnar í vetur.  Aðgangur ókeypis.

Það er mikið undir í leik Gróttu og KA/Þór á miðvikudaginn þegar liðin mætast á Seltjarnarnesinu. Bæði lið eiga eftir að spila tvo leiki í deildinni þar sem Grótta er í 6. sæti með 9 stig en KA/Þór í því 7. með 8 stig.  Efstu sex liðin fara síðan í úrslitakeppnina þannig að allar líkur eru á því að sigurliðið í þessum leik fái sæti í úrslitakeppninni.

Aðalfundur Handknattleiksdeildar KA verður haldinn miðvikudaginn 21. mars klukkan 18:00. Léttar veitingar í boði. Dagskrá:  Venjuleg aðalfundarstörf. Allir áhugamenn um handbolta hvattir til að mæta. Stjórnin

Það var sannkallaður hörkuleikur þegar KA/Þór tók á móti ÍBV í N1-deild kvenna í handknattleik á laugardaginn. Eyjastúlkur unnu að lokum tveggja marka sigur, 24-22, en staðan í hálfleik var 12-14, ÍBV í vil. Florentina Staciu átti stórleik í marki ÍBV og varði 23 skot. ÍBV fer í nítján stig í þriðja sæti deildarinnar en KA/Þór hefur átta stig í því sjöunda og eygir enn von um að komast áfram í úrslitakeppnina þrátt fyrir tap í leiknum.

Það er gríðarlega mikilvægur leikur á mánudagskvöldið þegar Akureyri tekur á móti toppliði deildarinnar FH og hefst leikurinn klukkan 19:00 í Íþróttahöllinni. Síðast þegar liðin mættust í N1 deildinni lauk leiknum með jafntefli 29 -29 í Hafnarfirði. Áhorfendur stóðu sig frábærlega í síðasta heimaleik gegn HK og nú er enn meira undir, mætum öll og tökum með okkur vini og vandamenn og gerum frábæra skemmtun á mánudagskvöldið.

Það er stórleikur hjá meistaraflokki KA/Þór á laugardaginn þegar spútniklið ÍBV mætir í KA heimilið. Með ÍBV liðinu leika a.m.k. tveir leikmenn sem voru hér fyrir nokkrum árum, þ.e.a.s. Ester Óskarsdóttir og Þórsteina Sigurbjörnsdóttir. Þær tvær eru einmitt meðal markahæstu leikmanna liðsins það sem af er. Það kostar ekkert inn á leikinn sem hefst klukkan 13:00 á laugardaginn – allir á völlinn og hvetja stelpurnar okkar!

Handboltaskóli Bjarna Fritz  fer fram í KA heimilinu 2.-7. apríl, fyrir ungmenni 11 ára og eldri. Bjarni hefur haldið þetta námskeið í Breiðholtinu síðastliðin þrjú sumur með góðum árangri. Skipt verður í hópa eftir aldri og því munu strákar og stelpur æfa saman. Handboltaskólinn verður frá mánudeginum 2. apríl til laugardagsins 7. apríl (sjá nánar hér á eftir).

KA/Þór heldur í Garðabæinn og leikur gegn Stjörnunni í Mýrinni á laugardaginn kl. 15:00. Þetta er leikur sem þarf að vinnast ef liðið ætlar sér í úrslitakeppnina í vor.  Liðin mættust á Akureyri fyrir áramót og þá vann Stjarnan með tveggja marka mun. Það er ástæða til að hvetja stuðningsmenn á höfuðborgarsvæðinu til að koma og standa með stelpunum.

Kvennalið KA/Þórs hefur til sölu frábæran WC pappír til styrktar starfseminni. Hægt er að hafa samband við leikmenn meistaraflokks eða stjórnarmenn og nálgast pappírinn. Hver pakkning með 48 gæðarúllum kostar 6.000 kr. Erlingur s:690-1078

Eftir langa bið eftir heimaleik er hún loksins á enda því að í dag fáum við HK í heimsókn. Þótt ótrúlegt megi virðast þá er þetta einungis annar heimaleikur Akureyrar á þessu ári en andstæðingarnir í síðasta heimaleik voru einmitt líka HK. Eftir sigra í síðustu þrem síðustu leikjum (öllum á útivöllum) er Akureyri komið í 4. sæti N1 deildarinnar, stigi á eftir HK sem er í 3. sætinu. Baráttan um sæti meðal fjögurra efstu liða er gríðarhörð og ekkert má gefa eftir til að halda því. Það má því líta á alla leikina fimm sem eftir eru í deildinni sem hreina úrslitaleiki.