Fréttir

Í fyrsta leik ka-stelpnanna í haust kepptu þær við Völsunga og voru þá óreyndar enn voru samt ekki langt frá því að vinna. Þær mættu því til leiks bjartsýnar um sigur. Svo varð þó ekki og þær töpuðu 0-2.

Sunnudaginn 3. febrúar áttust við lið, KA og HK, í öðrum flokki karla.

KA átti góðan hóp í U17 landsliðum og U19 landsliðum Íslands sem kepptu á Norðurlandamótum siðastliðið haust. Hér er birtast loksins myndir úr þessari ferð. Fleiri myndir: http://blak.ka-sport.is/gallery/landslid_u19_og_u17_2007/  

KA á mikilli siglingu þessa dagana

Karla- og kvennalið KA voru í eldlínunni nú um helgina þegar keppni í Brosbikarnum hélt áfram í KA-heimilinu. Spilað var í riðlum og komust tvö efstu lið hvors riðils áfram í undanúrlit. Fyrir leiki helgarinnar var karlalið KA í efsta sæti í sínum riðli með 6 stig, sigi meira en Stjarnan. Stelpurnar voru aftur á móti neðstar í sínum riðli, án stiga.

Í dag fór hið árlega Eikarmót fram í Höllinni á Akureyri. KA mætti til leiks með tvö karlalið og tvö kvennalið. Kvennaliðin voru sem fyrr skipuð hinum föngulegu KA-Freyjum. Ekki stóðu þær alveg undir væntingum og lentu bæði liðin í 3. sæti, hvort í sinni deild. KA-kjúklingarnir spiluðu sem KA+ (hefðu kannski átt að heita KA-) og lentu í 4. sæti. Öldungarnir í KA unnu hins vegar mótið mjög glæsilega, þrátt fyrir að allar skrautfjaðrir liðsins hafi vantað.

KA spilaði seinni leik sinn við ÍS í dag og var hann keimlíkur fyrri leiknum. Mikil værð var yfir báðum liðum og var fátt um fína drætti. KA var sterkari aðilinn en náði aldrei að hrista Stúdenta almennilega af sér. Sigur hafðist þó á endanum 3-0 og nú er KA-liðið komið í baráttu við Þróttara um annað sætið í deildinni.

Fyrsti heimaleikur KA á Íslandsmótinu eftir áramót var spilaður í kvöld. Í heimsókn voru hinir síungu stúdentar úr ÍS. Eftir barning í fyrstu hrinu hafði KA að lokum betur en næstu tvær hrinur voru auðunnar og lyktaði leiknum því með öruggum 3-0 sigri KA. Liðin eigast aftur við á morgun, laugardag og hefst leikurinn kl. 16.00.

Á afmælishátið KA um síðustu helgi voru nokkrir blakarar sæmdir heiðursmerkjum KA og BLÍ. Hinn óþreytandi Hr. Blak eða bara Sigurður Arnar Ólafsson eins og við þekkjum hann, fékk gullmerki BLÍ fyrir sinn þátt í grasrótar-og útbreiðslustarfi íþróttarinnar. Þrír KA-menn fengu silfurmerki BLÍ, þeir Davíð Búi Halldórsson, Gunnar Garðarsson og Haukur Valtýsson. Heimasíðan óskar þeim kumpánum til hamingju.

Davíð Búi Halldórsson blakmaður hefur verið valinn íþróttamaður KA árið 2007. Valið var tilkynnt fyrir troðfullu húsi í á 80 ára afmæli KA sem haldið var í gærkveldi. Myndir frá athöfninni: http://blak.ka-sport.is/gallery/ithrottamadur_ka_2007_80_ara_afmaeli_la/