Fréttir

KA-menn og Stjarnan áttust við í kvöld og fóru KA-menn með nokkuð öruggan sigur af hólmi 3-1. Hrinurnar enduðu (25-22, 23-25, 25-16, 25-18).Stigahæstir hjá KA voru Piotr með 24 stig og Hafsteinn skoraði 12 stig þar af 5 blokkir. Strákarnir eiga svo aftur að spila við Stjörnuna á morgun og vonumst við að sem flestir leggji leið sína í KA-heimilið og styðji strákana.

Um helgina spilar meistaraflokkur KA í blaki sína fyrstu heimaleiki á þessari leiktíð við Íslands- og bikarmeistara Stjörnunnar. Leikirnir eru kl. 20:00 á föstudagskvöld og 14:00 á laugardag og fara fram í KA heimilinu. KA menn eru með hörkulið í vetur og ljóst er að hart verður barist um helgina. KA menn eru hvattir til að mæta og  hvetja okkar menn.

Helgina 25. – 26. október fór fram fyrri hluti Íslandsmóts 4. og 5. flokks. Mótið fór fram í Digranesi í Kópavogi. Frá KA fóru 4 lið og var frábært að fylgjast með þeim sem og öðrum liðum. Gríðarleg framför hefur átt sér stað hjá krökkunum á undanförnum árum og er alveg með ólíkindum hversu flott blak þau eru farin að spila.

Nú er komið að innheimtu æfingagjalda yngriflokka fyrir fyrri önnina. Við biðjum foreldra að greiða sem fyrst.

Laugardagur 18. okt - Digranes KA vann HK öðru sinni á tveimur dögum en sigurinn var langt því frá auðveldur og HK menn voru KA mönnum erfiðir. Nokkur haustbragur var á KA liðinu tveimur fyrstu leikjum vetrarins en vonandi slípast liðið þegar á líður.

Föstudagur 17. okt. - Digranes KA menn höfðu sigur í fyrsta leik sínum á tímabilinu gegn HK en leikurinn fór fram á föstudagskvölið í Digranesi. Þjóðverjinn Ulrich Frank Wohlrab spilaði sinn fyrsta leik með KA og fékk óvænt stórt hlutverk í leiknum í fjarveru Kristjáns Valdimarssonar sem ekki gat spilað vegna veikinda. KA menn fara því vel af stað í mótinu og eru greinilega til alls líklegir í ár.

Karlalið KA fer suður í dag til að keppa sína fyrstu leiki í Íslandsmótinu á þessari leiktíð. KA teflir fram að mestu sama mannskap og í fyrra en þó verður Davíð Búi Halldórsson ekki með fyrsta kastið en hann mun koma inn í liðið þegar líður á tímabilið. KA menn hafa þó fengið nokkra nýja leikmenn í sínar raðir þar á meðal einn útlending.

KA sendi sitt unga kvennalið í Brosbikarkeppni BLÍ sem fram fór í Ólafsvík um helgina.  Liðið spilar í 2. deild í vetur, eins og í fyrra, og er einungis skipað leikmönnum á aldrinum 14-19 ára. Liðið stóð sig í raun frábærlega á mótinu og lagði lið HK 2-1 á föstudaginn og stóð verulega uppi í hárinu á liði Þróttar frá Neskaupstað en tapaði þó 2-1. 

Leiktímabilið í blakinu hófst um helgina þegar fyrra úrtökumótið Brosbikarnum fór fram í Ólafsvík.  Leikið var í tveimur riðlum og var KA í riðli með Fylki og HK. Leikin var tvöföld umferð en leikirnir voru styttri  en vant er en leikið var upp á 2 hrinur unnar í staðinn fyrir 3 hrinur unnar eins og í Íslandsmótinu.  Gengi KA var upp og ofan í mótinu en liðnu tókst engu að síður að vinna sinn riðil tryggja sér sæti í fjögurra liða úrslitum Brosbikarsins.

Karla- og kvennalið KA spila sína fyrstu leiki í vetur nú um helgina þegar þau halda vestur á Snæfellsnes til að spila í Brosbikarkeppninni. Karlaliðið er í riðli með Fylki og HK og verður að teljast sigurstranglegast í sínum riðli. Í hinum riðlinum er Stjarnan líkleg til afreka en þar eru líka Þróttur Reykjavík og UMFG. Kvennaliðið er í riðli með HK Utd, Þrótti Neskaupstað og Þrótti Reykjavík C. Í hinum riðlinum eru HK, Fylkir, Stjarnan og Þróttur Reykjavík.