Fréttir

Lið frá Blakdeild KA náðu frábærum árangri á yngriflokkamóti BLÍ sem fór fram um helgina í Mosfellsbæ. Annar flokkur karla vann HK örugglega 3-0 í síðasta leik liðanna um Íslandsmeistaratitilinn en liðið hafði þegar tryggt sér titilinn fyrir leikinn. Þriðji flokkur kvenna átti frábært mót, vann alla sína leiki og vann sig upp úr þriðja sæti, frá fyrra móti ársins, í það fyrsta. Fimmti flokkur a liða vann alla sýna leiki og tryggði sér Íslandsmeistartitilinn af öryggi. Fjórði flokkur kvenna fékk bronsverðlaun. Blakdeild KA hefur aldrei fengið jafn marga Íslandsmeistaratitla á einu og sama árinu í yngriflokkum. 

Í kvöld lék KA gegn Þrótti Rvík. í undanúrslitum Íslandsmótsins í blaki karla. KA menn þurftu sigur til að knýja fram oddaleik á Akureyri, eftir tapið á sunnudaginn. Skemmst er frá að segja að leikurinn var æsispennandi frá fyrstu mínútu.   Skiptust liðin á að vinna og þurfti oddahrinu til að skera úr um sigur og í henni hafði Þróttur betur.  Lokatölur urðu 3-2 fyrir Þrótt og KA menn eru úr leik í rimmunni um Íslandsmeistaratitilinn. 

Það er að duga eða drepast fyrir KA í úrslitakeppninni í blaki í kvöld en liðið mætir Þrótti Reykjavík í úrslitakeppninni í blaki. Þróttur vann fyrsta leik liðanna 3-0 í hörkuleik og það er ljóst að hart verður barist i kvöld um sæti í úrslitum um Íslandsmeistaratitilinn. Leikurinn er kl. 19:00 í íþróttahúsi Kennaraháskólans að Háteigsvegi í Reykjavík í kvöld. Við hvetjum KA menn í Rvk. að fjölmenna á leikinn og hvetja strákana.

Leikurinn fer fram í KA heimilinu á Akureyri kl. 13:00 næstkomandi sunnudag 6. apríl. Búast má við spennandi leik en liðin hafa skiptst á að vinna hvort annað í vetur en KA vann sér heimaleikja rétt í þriðja leik ef til hans kemur með því að leggja Stjörnuna 3-2 um síðustu helgi. Við hvetjum alla KA menn til að fjölmenna á leikinn og styðja strákana.

KA-Þróttur R   0:3     (19-25, 20-25, 23-25) KA átti ekki góðan dag gegn Þrótti og tapaði illa 0:3. Annar leikur í einvíginu er fyrir sunnan á þriðjudag og ef KA nær sigri þar þá verður úrslitaleikurinn fyrir norðan á fimmtudag. Stig KA (sókn-hávörn-uppgjöf): Piotr Kampisty 14 (14-0-0), Davíð Búi Halldórsson 7 (7-0-0), Filip Szewczyk 7 (3-2-2), Kristján Valdimarsson 4 (3-0-1), Hafsteinn Valdimarsson 3 (3-0-0), Hilmar Sigurjónsson 2 (1-0-1). Mistök andstæðinga 25.

Það er greinilegt að KA menn eiga öflugt lið í blakinu þessa dagana. Alla vega fóru þeir hlaðnir verðlaunum af lokahófi Blaksambandsins sem fram fór á laugardagskvöldið var.

tjarnan - KA 3-0 (25-20, 25-18, 25-18) Þar sem leikurinn hafði enga sérstaka þýðingu fyrir KA menn ákvað Marek Bernat þjálfari liðsins að gefa yngri leikmönnum þess færi á að spila í leiknum og léku KA menn án Piotr Kempesty og Davíðs Búa Halldórssonar. Ungu strákarnir stóðu sig með prýði og stóðu töluvert í meisturunum í öllum hrinunum.

KA menn tryggðu sér silfurverðlaunin í deildarkeppninni í blaki í gær með 3-2 sigri gegn Ísland- og bikarmeisturum Stjörnunnar. Leikurinn í Ásgarði í kvöld bar þess merki að í liðin vantaði lykilleikmenn.

Um helgina lauk ótrúlegri sigurgöngu KA-liðsins En um liðna helgi töpuðu KA-menn sinni fyrstu hrinu gegn ÍS í undanúrslitum Brosbikarsins þar sem þeir töpuðu gegn ÍS 25-18 en þar á undan höfðu KA menn ekki tapað hrinu síðan þann 17. nóvember þegar þeir töpuðu 3-0 gegn Þrótti R. Sigurgangan hófst síðan þann 7. desember og endaði 15. mars og stóð því yfir í 100 daga.

KA spilaði úrslitaleikinn í Bros-bikarnum í dag gegn Stjörnunni. Leikurinn var jafn og spennandi en Stjarnan vann 3-1. KA-ÍS 3-2 (21-25,30-28,25-20,25-16). Í gær spilaði KA í undanúrslitum og vann þá ÍS 3-2 25-18,20-25,18-25,25-19,15-7)í leik sem lauk ekki fyrr kl: 22:00 í um kvöldið. Það er ljóst að þessi erfiði 5 hrinu leikur sat í KA mönnum í dag en þreytu fór að gæta hjá þeim þegar leið á leikinn.