Það er nóg um að vera á aðventunni hjá stórfélagi eins og KA. Hér eru helstu viðburðir félagsins næstu daga

Á fimmtudagskvöldið fer fram PubQuiz, eða BarSvar í KA-heimilinu. Herlegheitin hefjast kl. 20:30. Það eru 2 saman í liði og kostar 1500kr fyrir liðið að vera með. Veitingar á góðu verði til sölu á meðan BarSvari stendur.

Sameining Fimleikafélags Akureyrar, FIMAK og Knattspyrnufélags Akureyrar, KA, var samþykkt einróma á félagsfundum beggja félaga sem haldnir voru í gærkvöldi. Sameiningarviðræður hafa staðið yfir undanfarna mánuði en Íþróttabandalag Akureyrar og Akureyrarbær hafa einnig komið að þeim viðræðum

Við óskum þeim KA félögum sem eiga stórafmæli í desember innilega til hamingju.

Vissir þú að með því að styrkja KA átt þú rétt á skattaafslætti. Samkvæmt nýjum lögum geta einstaklingar nú styrkt KA um allt að 350.000 krónur en að lágmarki 10.000 krónur á ári sem er frádráttarbært frá skattskyldum tekjum

Í hádeginu á föstudaginn, 1. desember, verður fyrsta af mörgum föstudagsframsögum í vetur í KA-heimilinu. Á stokk mun stíga Halldór Stefán Haraldsson, þjálfari meistaraflokks KA í handbolta, þar sem hann mun kynna sig og starf sitt með KA-liðið það sem af er vetri. Í matinn verður Grísastnitzel í raspi, kartöflur, sósa og meðlæti. Eitthvað sem allir elska! Verði verður stillt í algjört hóf en það kostar 1990kr með drykk!

Um helgina hélt júdódeild KA Norðurlandsmót í júdó í KA heimilinu. Alls voru 34 keppendur frá þremur klúbbum norðurlands, Pardusi frá Blönduósi, Tindastóli frá Sauðárkróki auk júdódeildar KA. Langflestir keppendur voru að keppa á sínu fyrsta móti og því mikil spenna og eftirvænting meðal keppenda. Þátttökuverðlaun voru veitt fyrir aldursflokkinn 6-10 ára. Tveir flokkar voru í ungmennaflokkum. Í -46kg flokki voru úrslit eftirfrandi: 1. Bjarkan Kató Ómarsson (KA), 2. Þröstur Leó Sigurðsson (KA), 3. Sigtryggur Kjartansson (KA). Í -50kg.: voru úrslit eftirfarandi: 1. Jón Ari Skúlason (KA), 2. Gísli Valberg Jóhannsson (KA) 3. Caitlynn Morrie Sandoval Mertola (Tindastóli). Í unglingaflokki í -73kg.: 1. Birkir Bergsveinsson (KA). 2. Þröstur Einarsson (Pardus) 3. Freyr Hugi Herbergsson (Tindastóll). Í fullorðins flokki í +100 kg.: 1. Björn Grétar Baldursson (KA). 2. Snæbjörn Rolf Blischke Oddsson (KA) 3. Breki Mikael Adamsson (KA).

KA er gríðarlega heppið með sjálfboðaliða. Þeir eru til í tugatali og vinna gríðarlega óeigingjarnt starf fyrir félagið í tíma og ótíma. Góður sjálfboðaliði fær aldrei nægilegt hrós en íþróttafélög treysta mikið á sjálfboðaliða. KA býður öllum sínum sjálfboðaliðum, stjórnarfólki og öðrum velunnurum í VÖFFLUKAFFI á fimmtudaginn, 23. nóvember. Endilega lítið við í KA-heimilið, fáið ykkur vöfflu sem starfsfólk félagsins ætlar að steikja og takið spjallið við þjálfara félagsins.

Aðalstjórn KA boðar til félagsfundar fimmtudaginn 30. nóvember klukkan 19:30 í félagsheimili KA-Heimilisins

Við óskum þeim KA félögum sem eiga stórafmæli í nóvember innilega til hamingju.