Fréttir

Handknattleiksdeild KA hefur ráðið Gunnar Líndal Sigurðsson sem þjálfara kvennaliðs KA/Þórs. Samningurinn er til tveggja ára og ætlumst við til mikils af Gunnari en hann tekur við liðinu af Jónatan Magnússyni sem stýrði liðinu í 5. sæti Olís deildar á nýliðnum vetri

Lokahóf handknattleiksdeildar KA var haldið með pompi og prakt í gær þar sem frábærum vetri hjá karlaliði KA og kvennaliði KA/Þórs var fagnað vel og innilega. Martha Hermannsdóttir og Áki Egilsnes voru valin bestu leikmenn liðanna í vetur en bæði áttu þau frábært tímabil

Martha Hermannsdóttir fór fyrir liði KA/Þórs sem stóð sig frábærlega á nýliðnum handboltavetri er liðið endaði í 5. sæti Olís deildarinnar þvert á hrakspár sérfræðinga. Martha var mögnuð á vellinum og endaði sem markadrottning deildarinnar með 138 mörk

Nú er keppnistímabilinu í handboltanum lokið þennan veturinn og niðurstaðan sú að KA hélt sæti sínu í deildinni og leikur í deild þeirra bestu að ári. Það er því ekki úr vegi að fara yfir tímabilið tölfræðilega og skoða hina ýmsu tölfræðiþætti hjá KA liðinu. Heimasíðan tók saman helstu tölfræði liðsins sem og einstaklingsframistöðu

Handknattleiksdeild KA framlengdi í kvöld samninga sína við þá Andra Snæ Stefánsson, Daða Jónsson og Jón Heiðar Sigurðsson. Þetta er stórt skref í undirbúningi næsta tímabils en allir þrír voru í lykilhlutverki í liði KA sem tryggði sér nýverið áfram þátttökurétt í deild þeirra bestu

Það bættust tveir magnaðir kappar í goðsagnarhöll handknattleiksdeildar KA fyrir leik KA og FH um helgina. Þetta eru þeir Alfreð Gíslason og Róbert Julian Duranona og bætast þeir í hóp með Erlingi Kristjánssyni, Guðjóni Val Sigurðssyni, Valdimar Grímssyni og Patreki Jóhannessyni

Fyrir leik KA og FH um helgina voru þrír af bestu sonum handboltans í KA hylltir. Heimir Örn Árnason og Sverre Andreas Jakobsson léku lokaleik sinn sem leikmenn KA og þá var Halldór Jóhann Sigfússon þjálfari FH sæmdur silfurmerki KA

Í uppgjörsþætti Seinni Bylgjunnar um síðari hluta Olís deildanna var valið í úrvalslið bæði hjá körlunum og konunum. KA og KA/Þór eiga tvo fulltrúa en það eru þau Áki Egilsnes og Katrín Vilhjálmsdóttir

KA vann glæsilegan 29-26 sigur á FH í lokaumferð Olísdeildar karla í gær. Mikil gleði ríkti í KA-Heimilinu en KA hafði fyrir leikinn tryggt sér áframhaldandi veru í deild þeirra bestu og fylgdi því eftir með flottri frammistöðu fyrir framan þéttskipað KA-Heimili

KA tekur á móti FH í lokaleik Olísdeildarinnar þennan veturinn í kvöld klukkan 19:00. Strákarnir eru öruggir með áframhaldandi veru í deild þeirra bestu og við ætlum að fagna því!