Fréttir

Nú er að hefjast nýtt tímabil í blakinu og eru menn farnir að draga skóna af hilluni.

Valgeir Valgeirsson (18 ára) sem lék með HK á síðasta tímabili hefur ákveðið að ganga til liðs við KA. Valgeir, sem er miðjusmassari, var í A-landsliðshópi karla sem tók þátt í smáþjóðaleikunum í sumar og er hann því mikill fengur fyrir KA liðið.

Einn leikur fór fram í 2.flokki drengja fyrir norðan.  KA og HK áttust við og unnu KA menn frækinn sigur í leiknum, 3-2.  Þetta er önnur viðureign liðanna í fjórfaldri umferð en KA menn unnu einmitt fyrri leikinn einnig 3-2.  Liðin eigast næst við á Akureyri 10. mars og lokaleikurinn um Íslandsmeistaratitilinn verður 1. apríl. 

Tveir leikir fara fram í úrslitakeppninni á morgun fimmtudag. KA og Þróttur Reykjavík mætast í kvennaflokki og KA og HK í karlaflokki en HK sigraði fyrstu viðureign félaganna í Kópavogi í gærkvöld naumlega 3-2. Kvennaleikurinn hefst klukkan 18 og karlaleikurinn klukkan 19.30 og hvetjum við alla til að mæta og styðja sitt lið.

Í karlaflokki börðust KA og HK í æsispennandi leik í Digranesi. KA vann fyrstu hrinuna og HK aðra hrinu. KA sigraði þriðju hrinu og var vel yfir í fjórðu hrinunni og ætluðu sér sigur í leiknum. En þá small HK liðið í gír, náði að vinna upp forskot KA manna og vinna hrinuna 25-22. HK var sterkara í oddahrinunni og sigraði 15-9 og þar með leikinn. Þeir leiða því einvígið 1-0 en tvo sigra þarf til að komast áfram.

Fjórir leikmenn frá KA eru í landsliðshópum Íslands sem valdir voru nú á dögunum. Natalia Gomzina er eini leikmaður kvennaliðsins en Hilmar Sigurjónsson, Kristján Valdimarsson og Hafsteinn Valdimarsson voru valdir í karlaliðið en þeir eru aðeins 18 ára gamlir. Davíð Búi Halldórsson gaf ekki kost á sér í hópinn.

Í Hagaskóla sigraði Þróttur Reykjavík vængbrotið KA lið í 1. deild kvenna.  Þróttur sigraði fyrstu hrinuna á 12 mínútum, 25-7.  Önnur hrinan fór 25-17 og sú þriðja 25-13. Seinni leiknum lauk einnig með öruggum sigri Þróttara 3-0 (25-22, 25-14, 25-6) en talsvert marga spilara vantaði í lið KA í þessum leikjum. Með sigrinum tryggði Þróttur sér deildarbikarinn og mætast þessi lið aftur í úrslitakeppninni 10. og 12. apríl nk.

KA menn unnu Þrótt frá Reykjavík í tvígang um helgina í karlaflokki. Fyrri leiknum lauk 1-3 (21-25,22-25,25-22,22-25) og þeim síðari 2-3 (26-24,25-21,19-25,19-25,14-16) eftir að Þróttur hafði komist í 2-0. Uppspilarinn Filip Szcewcyk var í leikbanni í síðari leiknum og kom það því í hlut Davíð Búa Halldórssonar að spila upp og fórst honum það vel úr hendi.

KA menn voru sigursælir á lokahófi Blaksambands Íslands sem fram fór um helgina. Davíð Búi Halldórsson fékk verðlaun sem stigahæsti leikmaðurinn, bæði alls og í sókn. Einnig fékk hann viðurkenningu sem bestur í móttöku. Það dugði þó ekki til sem besti leikmaðurinn heldur féll sá heiður í skaut Störnumannsins Wotjek Bachorski. Davíð var annar í kjörinu.

KA lék tvo leiki við ÍS í Hagaskóla í 1. deild karla um helgina. KA sigraði í báðum leikjunum og lyftu sér upp fyrir HK í annað sæti deildarinnar.