Fréttir

Fyrir leikinn voru lið KA og HK voru efst og jöfn í MIKASA deild karla - bæði með 8 stig eftir 5 leiki.  Leikurinn var því sálfræðilega mikilvægur ekki síst fyrir KA menn sem töpuðu fyrir HK fyrir nokkrum vikum á heimavelli. Leikurinn var spennandi sérstaklega í lok fjórðu hrinu þar sem HK hafði yfirhöndina 23-21.

Kvennalið KA tapaði fyrir sterku liði HK í dag 3-0 (25-17)(25-10)(25-15). Hið unga KA lið mætti þarna ofjörlum sínum. Meira um leikinn síðar. Strákarnir aftur á móti hefndu ófaranna gegn HK í síðasta leik gegn þeim og unnu nokkuð öruggan 3-1 sigur.

SportTV hefur hafið beinar útsendingar á netinu af leikjum í blakinu á http://www.sporttv.is/.  Leikur KA og Fylkis kvenna var sýndur í gær og væntanlega kemur upptaka af leiknum inn á vefinn fljótlega.  Leikur KA og HK karla verður sýndur í dag laugardag kl. 16:00. Þetta er sérstaklega ánægjulegt fyrir íslenska blakáhugamenn enda hafa sjónvarpsstöðvar lítið sinnt íþróttinni síðustu ár.  Þessari nýbreyttni hefur verið afar vel tekið af blakáhugamönnum. Hér má finna upptöku af leik KA og HK frá 12. desember. http://www.sporttv.is/category.aspx?catID=247  

KA stúlkur töpuðu sínum fyrsta leik á tímabilinu fyrir Fylki í gærkvöldi 3-0 (25-18)(25-22)(25-18).  KA stúlkur náðu sér aldrei á strik í leiknum og virkuðu þreyttar eftir ferðalagið að norðan.  Marek Bernat þjálfari KA fékk gult og síðan rautt spjaldi í leiknum fyrir að mótmæla dómi.  Hann tekur út eins leiks bann vegna þessa í leik KA og HK í dag.

KA liðin átti misjöfnu gengi að fagna í Bridgestone bikarnum nú um helgina. Kvennaliðið vann alla sína leiki og komst þar með í undanúrslit keppninnar. Karlaliðið vann einn leik en tapaði illa fyrir Stjörnunni og HK og þarf því að spila seinna um þau tvö sæti sem enn eru laus.

Bæði karla- og kvennalið KA taka þátt í Bridgestone Bikarnum sem fer fram í dag og á morgun í Fylkishölli í Reykjavík.  Fylgjast má með framvindu mótsins á http://www.blak.is/  Einnig sendir Skautafélag Akureyrar lið í kvennaflokki til þátttöku á mótinu.

Geta yngri leikmenn sótt sér styrk til þeirra eldri - skiptir sagan og bakgrunnur félaga máli.  Af hverju eru gamalgróin íþróttafélög oftast öflugri en þau ungu?  Þetta eru spurningar stundum heyrast í tengslum við íþróttafélög, á afmælum og hátíðlegum stundum.  Um helgina var eitt slíkt afmæli og.....

KA-menn náðu góðum sigri gegn Þrótti, 3-2 í gær eftir mikinn barning. Einhver værð var yfir liðinu en góður endasprettur bjargaði tveimur stigum í hús. Mikil forföll voru í röðum KA og greip Marek þjálfari til þess ráðs að kalla til leiks ýmsa snillinga úr röðum öldungablakara. Má segja að þeir hafi staðið fyrir sínu en yngri spilarar fengu einnig sína eldskírn. Marek notaði þretttán menn í leiknum og hlýtur það að vera Íslandsmet. Þróttur keyrði hins vegar allan leikinn á sínum sex mönnum.

Árið 1989 vann karlalið KA sinn fyrsta Íslandsmeistaratitil í blaki.  Af tilefni þess að 20 ár eru liðin síðan þessi ánægjulegi viðburður átti sér stað hefur stjórn Blakdeildar KA boðið leikmönnum sem unnu þennan titil að koma á leikinn í MIKASA deildinni milli KA og Þróttar Rvk. karla sem fram fer í KA heimilinu laugardaginn 21. nóvember kl. 17:00.  Fyrir leikinn verður stutt athöfn þar sem þessir leikmenn KA verða heiðraðir og mun Sigurður Harðarsson, sem áður var bæði stjórnarmaður og þjálfari hjá Blakdeild KA, flytja stutt erindi.  

Hið árlega Opna blakmót KA í verður haldið um helgina.  Mótið hefst á föstudagskvöld kl. 18:30 og líkur um kl. 16:00 á laugardag.  Góð þátttaka er á mótinu að vanda alls 22 lið, 14 kvennalið og 8 karlalið. Þess á geta að KA er með 7 lið á mótinu allt frá unglingum upp í öldunga sem er nýtt met hjá félaginu.