Fréttir

Flügger Andelen

KA/Þór á þrjá fulltrúa í lokahóf U17 ára landsliðs Íslands í handbolta sem tekur þátt á EM í Svartfjallalandi 2.-14. ágúst í sumar. Þetta eru þær Bergrós Ásta Guðmundsdóttir, Lydía Gunnþórsdóttir og Sif Hallgrímsdóttir og óskum við þeim innilega til hamingju með valið

Karla- og kvennalið KA í blaki hömpuðu bæði Íslandsmeistaratitlinum í vetur, stelpurnar gerðu reyndar töluvert meira og lyftu öllum titlum vetrarins og urðu þar með Íslands-, Bikar- og Deildarmeistarar auk þess að vera meistarar meistaranna

Jóna Margrét Arnarsdóttir skrifaði í dag undir hjá spænska liðinu FC Cartagena. Þetta er afar spennandi skref hjá okkar frábæra leikmanni en Jóna sem er enn aðeins 19 ára gömul fór fyrir liði KA sem hampaði öllum titlunum í vetur

Telma Lísa Elmarsdóttir hefur skrifað undir nýjan tveggja ára samning við KA/Þór og er nú samningsbundin félaginu út tímabilið 2024-2025. Þetta eru afar jákvæðar fréttir enda Telma sterk skytta sem og öflugur varnarmaður sem er uppalin hjá KA/Þór

Aron Daði Stefánsson hefur skrifað undir sinn fyrsta meistaraflokkssamning við handknattleiksdeild KA. Aron Daði sem er 16 ára gamall er gríðarlega efnilegur og spennandi leikmaður sem er að koma uppúr yngriflokkum félagsins en samningurinn gildir út tímabilið 2024-2025

Dagur Árni Heimisson hefur skrifað undir nýjan tveggja ára samning við handknattleiksdeild KA og er nú samningsbundinn út tímabilið 2024-2025. Dagur Árni sem er enn aðeins 16 ára gamall spilaði stórt hlutverk í meistaraflokksliði KA á nýliðnum vetri og er einn af efnilegustu leikmönnum landsins

KA tryggði sér sæti í undanúrslitum Mjólkurbikarsins með gríðarlega sætum 2-1 sigri á liði Grindavíkur í kvöld en sigurmarkið gerði Jakob Snær Árnason á lokamínútum leiksins. Birgir Baldvinsson kom KA yfir í uppbótartíma fyrri hálfleiks en Marko Vardic jafnaði fyrir gestina um miðbik síðari hálfleiks

Norðurlandamótið í áhaldafimleikum fór fram í Gerplu, Versölum í helgina 2. - 3. júlí. Sólon Sverrisson var flottur fulltrúi Íslands í keppni Úrvalsliða drengja. Fimak er afar stolt af þessum flotta unga íþróttamanni .

Glæsileg vorsýning að baki. Enn og aftur vill Stjórn FIMAK þakka öllum þjálfurum og sjálfboðaliðum sem lögðu fram vinnu sína. Stjórnin vill þakka Kjarnafæði/Norðlenska fyrir pylsurnar sem okkur voru gefnar. Greifanum fyrir lán á grillum/gasi. Það er venja fimleikafélagsins að veita viðurkenningar í lok vetrar. Þjálfarar sjá um það val. Viðurkenningar eru veittar fyrir ástundun og virkni annars vegar og mestu framfarir hins vegar.