Greifamót KA fer fram um helgina

Um helgina fer fram hið árlega Greifamót KA þar sem stelpur í 7. flokki leika listir sínar í fótbolta. Mótið er gríðarlega skemmtilegt en þarna taka margar stelpur sín fyrstu skref í fótboltanum og má með sanni segja að gleðin sé allsráðandi.

Smelltu hér til að fara á heimasíðu mótsins

Mótið hefst á laugardaginn en leikið er í fjórum styrkleikum. Liðin í gulu og rauðu deildinni spila fyrir hádegi en á sama tíma fara liðin í grænu og bláu deildinni í Borgarbíó á myndina Leynilíf Gæludýra 2. Við tekur svo hádegismatur í Lundarskóla áður en liðin skipta um hlutverk og fara þá liðin í gulu og rauðu deildinni í bíó á meðan græna og bláa deildin leika listir sínar.

Sýnishorn úr myndinni Leynilíf Gæludýra 2

Klukkan 17:30 - 19:00 er kvöldmatur í Lundarskóla áður en hópurinn kemur saman kl. 19:30 í skemmtilega kvöldvöku í KA-Heimilinu þar sem Eva Reykjalín danskennari mun halda uppi stuðinu.

Á sunnudeginum leika svo deildirnar til skiptis með smá pásu fyrir hádegismat þar sem pizzur frá Greifanum verða á boðstólnum. Áætluð mótslok eru í kringum 14:00 og fá allir þátttakendur verðlaunapening auk þess sem liðin sem standa uppi sigurvegari í hverri deild fyrir sig fá bikar.

Deildunum er skipt eftirfarandi, öll lið fá 7 leiki á mótinu.

Dagskrá

Föstudagur 21. júní:

21:00­-22:00 Móttaka liða í KA-Heimilinu, Lundarskóli opnar klukkan 18:00.
22:15 Þjálfara­ og fararstjórafundur í KA­-Heimilinu

Laugardagur 22. júní:

7:30-­9:00 Morgunmatur í Lundarskóla
9:00­-12:00 Leikir hjá Gulu og Rauðu deildinni
10:00 Bíó hjá Grænu og Bláu deildinni
11:30-­13:00 Hádegismatur í Lundarskóla
13:00-­16:00 Leikir hjá Grænu og Bláu deildinni
13:30 Bíó hjá Gulu og Rauðu deildinni
17:30-­19:00 Kvöldmatur í Lundarskóla
19:30-­20:15 Kvöldvaka í KA­-Heimilinu
20:30 Þjálfara­ og fararstjórafundur í KA-Heimilinu

Sunnudagur 23. júní:

7:30­-9:00 Morgunmatur í Lundarskóla
9:00­-14:00 Leikir hjá öllum deildum
11:30-­12:30 Hádegismatur í Lundarskóla
14:00 (um það bil) Mótslok