Undanúrslit Lengjubikarsins í kvöld

Elfar Árni er klár í slaginn!

KA mætir ÍA í undanúrslitum Lengjubikarsins í Akraneshöllinni í dag klukkan 18:00. Strákarnir hafa ekki tapað leik á undirbúningstímabilinu og ætla sér í úrslitaleikinn en í hinum undanúrslitaleiknum mætast KR og FH.

Þetta er þriðja árið í röð sem KA fer í undanúrslit Lengjubikarsins og í fjórða skiptið á síðustu fimm árum. KA lék til úrslita árið 2015 en hefur ekki hampað sigri á mótinu til þessa.

Við hvetjum að sjálfsögðu alla sem geta til að mæta upp á Skaga en fyrir þá sem hafa ekki tök á því þá er leikurinn í beinni á Stöð2 Sport, áfram KA!