Fréttir

Opna Norðlenska mótið hófst með tveimur leikjum í gær, föstudag. í fyrri leiknum mættust Akureyri og Fram, Akureyri byrjaði betur og náði þriggja marka forystu, 6-3 en þá svaraði Framliðið með fimm mörkum í röð. Fram hélt frumkvæðinu í leiknum nema hvað Akureyri skoraði tvö síðustu mörk fyrri hálfleiks og leiddi 15-14 í hálfleik. Akureyrarliðið tók síðan öll völd í seinni hálfleik, skoraði fimm fyrstu mörkin og hélst sex marka munur lengst af en Fram klóraði í bakkann undir lokin með fjórum síðustu mörkum leiksins sem endaði með tveggja marka sigri Akureyrar 24-22.

Eins og undanfarin ár hefjum við forleik að handboltavertíðinni með æfingamótinu Opna Norðlenska. Að þessu sinni taka fjögur lið þátt í mótinu, þrjú gestalið, Fram, Stjarnan og Valur auk heimamanna. Það verður virkilega forvitnilegt að sjá hvernig nýir leikmenn Akureyrar spjara sig en fimm nýir leikmenn komu til liðs við Akureyri Handboltafélag í sumar:

Helgina 13.-15. september verður haldið C-stigs dómaranámskeið fyrir handboltadómara, en það er efsta stig dómararéttinda. Skráning fer fram á robert@hsi.is  og lýkur föstudaginn 6. september nk. Þátttakendur skulu taka fram við skráningu nafn, kennitölu, félag, tölvupóstfang og síma.  Allar frekari upplýsingar eru hjá robert@hsi.is

Nú er handboltavertíðin að byrja og æfingataflan komin á heimasíðuna. Æfingar munu hefjast samkvæmt tímatöflu mánudaginn 2. september. Margir foreldrar yngstu iðkendanna hafa haft samband og spurt um tímana og eru þar að hugsa um frístund í skólunum. Æfingatímar þeirra yngstu eru tilbúnir og eru þeir eftirfarandi:

Akureyrar liðið tekur þessa dagana þátt í alþjóðlegu handknattleiksmóti í Þýskalandi ásamt ýmsum stórliðum Evrópu. Mótið heitir Der Handball Champions Cup og hefst í dag með tveimur leikjum í hvorum riðli. Akureyri leikur við slóvensku mestarana í RK Gorenje Valenje klukkan 19:00 að þýskum tíma sem myndi vera klukkan 17:00 að íslenskum tíma. Mótið er nú haldið í 11. sinn og í sjötta sinn sem það fer fram í bænum Dessau.

Kvennalið KA/Þórs hefur hafið æfingar að nýju eftir sumarfrí og hófust þær strax á þriðjudaginn. Góður gangur hefur verið á æfingunum í vikunni, sem hafa verið undir handleiðslu Gunnars Ernis Birgissonar. Gunnar er kominn í þjálfarateymi kvennaliðs KA/Þór en hann hefur verið að þjálfa hjá Val undanfarin ár. Gunnar mun þjálfa 3. fl kvenna í vetur og vera aðstoðarþjálfari hjá meistaraflokk. 

Nú er starfi handboltans í vetur lokið og afslöppun í sólinni á næsta leiti.

Lokahóf handknattleiksdeildar yngri flokka KA var haldið föstudaginn 17. maí síðastliðinní KA heimilinu. Mikið fjölmenni var og að venju var mikið fjör í húsinu. Farið var í leiki og verðlaun veitt fyrir árangur vetrarins. Í lokin var síðan heljarinnar pizzuveisla frá Greifanum. Þórir Tryggvason mætti með myndavélina og má hér sjá fjölmargar skemmtilegar myndir frá hófinu.

Handboltaskóli Bjarna Fritz verður haldinn á Akureyri 10. - 21. júní og er ætlaður ungmennum 10 ára og eldri. Aðstoðarmaður Bjarna á námskeiðinu er enginn annar en Oddur Gretarsson og munu þeir án efa mynda flott teymi. Skipt verður í hópa eftir aldri og því munu strákar og stelpur æfa saman. Handboltaskólinn verður frá mánudeginum 10. júní til föstudagsins 21. júní.

Lokahóf handknattleiksdeildar yngri flokka KA verður haldið föstudaginn 17. maí frá klukkan 18:00 til 20:00 í KA heimilinu. Farið verður í leiki og verðlaun veitt fyrir árangur vetrarins. Að vanda verður heljarinnar pizzuveisla frá Greifanum. Allir iðkendur eru hvattir til að mæta með pabba, mömmu og systkinum. Höfum gaman saman og fögnum árangri vetrarins og þjöppum okkur saman fyrir næsta vetur!