Fréttir

Föstudagsframsagan hefur slegið í gegn og núna á föstudaginn leggjum við allt undir! Fjölmiðlamaðurinn Tómas Þór Þórðarson mætir í KA-Heimilið og fer yfir fótboltann hjá KA undanfarin ár eins og honum einum er lagið

Knattspyrnufélag Akureyrar og Íþróttafélagið Þór hafa undirritað nýjan samning um rekstur kvennaliðs Þórs/KA í knattspyrnu, sem og í 2. flokki kvenna. Samningurinn er í raun framlenging á eldri samningi sem undirritaður var í mars 2017 og mun nýi samningurinn gilda til haustsins 2023

Það verður svo sannarlega gaman í Naustaskóla á sunnudaginn þegar jólabingó yngri flokka KA í knattspyrnu fer fram. Fjörið hefst klukkan 14:00 og eru allir velkomnir að koma og taka þátt. Yngriflokkar KA í knattspyrnu bjóða upp á fríar rútuferðir úr skóla og út í Boga þar sem krakkarnir æfa og er bingó-ið liður í fjármögnun rútuferðanna

Íslenska landsliðið í knattspyrnu skipað leikmönnum 21 árs og yngri lék á dögunum á æfingamóti í Kína. KA átti tvo fulltrúa í hópnum en það voru þeir Aron Elí Gíslason og Daníel Hafsteinsson. Það var ljóst að þetta mót var gott tækifæri fyrir okkar stráka auk þess sem það er mikið ævintýri að koma til Kína

Markvörðurinn Bryndís Lára Hrafnkelsdóttir skrifaði í dag undir nýjan samning við Þór/KA og verður því í röðum liðsins næstu þrjú árin. Þetta eru mikil gleðitíðindi en Bryndís Lára var algjör lykilmaður sumarið 2017 þegar liðið varð Íslandsmeistari en það var hennar fyrsta tímabil með liðinu

Það verður engin smá veisla í Boganum á morgun, laugardag, þegar Stefnumót KA fyrir 6.-8. flokk karla og kvenna fer fram. Þetta er stærsta Stefnumót KA til þessa og verða keppendur um 840 talsins, þar af 220 hjá KA. Alls taka þátt 155 lið á mótinu og þar á meðal eru 44 lið frá KA

Yngriflokkastarfið hjá knattspyrnudeild KA er í miklum blóma um þessar mundir og á félagið alls 17 fulltrúa í úrtakshópum U-15 og U-16 ára landsliða Íslands. Antonía Huld Ketilsdóttir var í gær valin á úrtaksæfingar hjá U-16 ára landsliði Íslands í knattspyrnu. Hópurinn mun æfa dagana 23.-25. nóvember og er Jörundur Áki Sveinsson þjálfari hjá þessum aldursflokki

KA og Guðjón Pétur náðu samkomulagi í dag og skrifar Guðjón undir 3 ára samning við félagið. Guðjón kemur frá Val þar sem hann hefur verið Bikar- og Íslandsmeistari síðustu ár. Guðjón Pétur er 31 árs og hefur spilað 178 leiki í efstu deild og skorað í þeim 44 mörk

Íslenska landsliðið í knattspyrnu skipað leikmönnum 21 árs og yngri er á leiðinni til Kína þar sem liðið mun taka þátt í fjögurra liða móti dagana 15.-19. nóvember næstkomandi. Strákarnir munu þar leika gegn Mexíkó, Kína og Tælandi í borginni Chongqing

Það er sannkölluð veisla í hádeginu í KA-Heimilinu á morgun, föstudaginn 9. nóvember. Föstudagsframsagan fór frábærlega af stað í síðustu viku og nú mun Óli Stefán Flóventsson, nýráðinn þjálfari knattspyrnuliðs KA, sitja fyrir svörum og halda framsögu um vonir og væntingar fyrir starfið hjá KA, hvernig hann sér hlutina fyrir sér og hvað það var sem lokkaði hann norður