Sex krakkar frá Tennis- og badmintondeild KA fóru á Unglingamót TBS á Siglufirði sl. laugardag, 1 desember. Þau sem tóku þátt fyrir hönd TB-KA voru Kristín Halldórsdóttir, Viktor Már Árnason, Helgi Brynjólfsson, Sigmar Ágúst Reykjalín Hjelm, Anton Heiðar Erlingsson og Snorri Már Óskarsson en bæði Kristín og Snorri Már voru að keppa á sínu fyrsta badmintonmóti. Allir krakkarnir stóðu sig mjög vel, Viktor sigraði í einliðaleik í flokki U-11, Helgi sigraði í einliðaleik í flokki U-13 og Helgi og Sigmar sigruðu í tvíliðaleik í flokki U-13. Allir skemmtu sér mjög vel og endað var á að fara saman út að borða á Siglufirði áður en haldið var heim.  

Um helgina verður mikið að gera hjá badmintonfólki þegar nýstofnuð Tennis- og badmintondeild KA efnir til afmælismóts, en spilað verður bæði í Íþróttahöllinni og KA-heimilinu.

6. – 7. Október 2012   Helgina 6.- 7. Október nk. verður haldið unglingamót TB-KA, Tennis- og badmintondeildar KA, og verður mótið tileinkað 150 ára afmæli Akureyrarbæjar og því að í ár eru 65 ár síðan að fyrsti badmintonleikurinn var spilaður undir merkjum KA.  

Nú eru æfingar að hefjast hjá Tennis og badmintondeild KA (áður TBA). Þjálfarar okkar í vetur verða þau Sonja Magnúsdóttir og Rainer Jessen íþróttakennari. Æfingar verða í íþróttahöllinni við Skólastíg á eftirfarandi tímum: þriðjudagar: 16:00-18:00 fimmtudagar: 16:00-18:00 sunnudagar: 15:00-17:00 Sonja mun sjá um þjálfun á sunnudögum, Rainer á þriðjudögum og fimmtudögum. Við byrjum á að vera með opna tíma fyrir alla iðkendur og er fyrsti tíminn þriðjudaginn 4. september klukkan 16:00 Vonumst til að sjá ykkur sem flest.