Fréttir

Penninn var á lofti í KA heimilinu í dag þar sem Bretarnir Brian Gilmour og Darren Lough voru að semja aftur við félagið. Brian hefur verið hjá KA síðan í júlí 2011 en Darren kom til félagsins fyrir síðasta sumar. Ásamt þeim félögum skrifaði Daninn Mads Rosenberg, sem kom á reynslu í janúar, undir samning. Þessir þrír sömdu allir við KA út komandi leiktíð.  Það var síðan Steinþór "Stubbur" Auðunsson sem samdi við KA til næstu þriggja ára.

Pub quiz knattspyrnudeildar og meistaraflokks verður haldið í kvöld 1.febrúar kl 20:00 í KA-Heimilinu! 1000 kr inn, 2 saman í liði og flottur vinningur í boði! Hægt verður að versla veitingar fyrir nánast ekkert verð á staðnum! Umsjónarmaður verður Jóhann Már Kristinsson og við hvetjum alla KA menn til að mæta og taka þátt í þessarri spurningarkeppni en fólk fær að reyna sig á almennri þekkingu á alheimsfótboltanum! Ekki láta þetta framhjá þér fara, ekkert verð fyrir mikla skemmtun!

KA mætti Dalvík/Reyni í 3.umferð Kjarnafæðismótsins í Boganum kl 15:15 í dag. Byrjunarlið KA var svipað liðinnu sem vann KF um síðustu helgi.

Núna fara getraunirnar á fullt aftur og við byrjum nýjan hópleik n.k laugardag og í þetta sinn fær sá sem lendir í fyrsta sæti ferðavinning með Úrval útsýn. Einnig er fullt af öðrum flottum vinningum.

Í leik KA og KF urðu KA menn fyrir miklu áfalli þegar fyrirliði liðsins, Gunnar Valur Gunnarsson, féll í grasið og var ljóst frá byrjun að meiðsli hans voru alvarleg. Nú hefur það verið staðfest að hásin hans slitnaði og við tekur aðgerð í vikunni og að henni lokinni sjúkraþjálfun og endurhæfingarferli og stefnir fyrirliðinn á að snúa aftur til baka í júlí. 

Tveir KA leikir fóru fram á Kjarnafæðimótinu í fótbolta um helgina þegar KA og KA 2 mættu bæði liði KF frá Fjallabyggð, bæði lið unnu góða sigra og má segja að sigur KA 2 hafi komið talsvert á óvart en liðið sigraði 4-0. KA sigraði mjög öruggan 3-1 sigur eftir að hafa lennt 1-0 undir. Með því að smella á lesa meira má lesa umfjallanir KDN um leikina. 

Um helgina munu okkar lið leika sitt hvorn leikinn í Kjarnafæðismótinu.  Á morgun laugardag leikur KA sinn annan leik í mótinu og er mótherjinn að þessu sinni KF frá Fjallabyggð undir stjórn Lárusar Orra Sigurðssonar.

Í dag var skrifað undir samninga knattspyrnudeildar KA við níu leikmenn. Þar af framlengdu þrír leikmenn samninga sína, einn leikmaður hefur áður verið á lánssamningi hjá KA en fimm leikmenn voru nú að semja í fyrsta skipti við félagið.

Hið árlega knattspyrnumót KDN (Knattspyrnudómarafélag Norðurlands) - sem þetta árið nefnist Kjarnafæðismótið - hefst næstkomandi föstudag þegar Þór og KF mætast í Boganum. Eins og undangengin ár teflir KA fram tveimur liðum í mótinu þar sem annað liðið er að megninu til skipað leikmönnum 2. flokks.

Þar sem lið hafa þurf að afboða sig útaf veðri þurfum við að breyta mótinu, spilaður verður í einni deild þar sem allir spila við alla.. 1 og 2 sæti spila síðan úrslitaleik