Fréttir

Kæra KA-fólk, nú þurfum við á ykkar stuðning að halda þegar strákarnir okkar taka á móti Val á þriðjudaginn klukkan 18:00 á Greifavellinum. Sæti í sjálfum bikarúrslitum er undir og klárt að við ætlum okkur þangað

Markmannsþjálfarinn Michael Charpentier Kjeldsen eða Kappa eins og hann er iðulega kallaður hefur skrifað undir nýjan samning við knattspyrnudeild KA út keppnistímabilið 2026. Kappa hóf störf hjá félaginu í janúar á þessu ári og hefur komið af miklum krafti inn í starfið

Við búum svo vel hér í KA að við fáum reglulega myndaveislur frá keppnisleikjum félagsins frá ljósmyndurum bæjarins. Hér birtum við nokkrar myndaveislur frá síðustu heimaleikjum í fótboltanum í boði þeirra Þóris Tryggvasonar og Sævars Geirs Sigurjónssonar

Telma Lísa Elmarsdóttir hefur skrifað undir nýjan tveggja ára samning við KA/Þór og er nú samningsbundin félaginu út tímabilið 2025-2026. Þetta eru afar jákvæðar fréttir enda Telma sterk skytta sem og öflugur varnarmaður sem er uppalin hjá KA/Þór

Lyftingadeild KA stendur í stórræðum um helgina en deildin heldur tvö stórmót í KA-Heimilinu. Á laugardeginum fer fram Íslandsmeistaramót í réttstöðulyftu og á sunnudaginn fer fram sumarmót LSÍ og KA í ólympískum lyftingum

Handknattleiksdeild KA/Þórs í samvinnu við EINNI MEÐ ÖLLU verður með strandhandboltamót í Kjarnaskógi um verslunarmannahelgina. Mótið hefur slegið í gegn undanfarin ár og síðast komust færri að en vildu. Því er um að gera að skrá sig sem allra fyrst

Anna Þyrí Halldórsdóttir skrifaði í dag undir nýjan samning við KA/Þór og leikur hún því áfram með liðinu á komandi handboltavetri. Þetta eru gífurlega jákvæðar fréttir enda hefur Anna Þyrí sýnt sig og sannað sem einn besti línumaður og varnarmaður Olísdeildarinnar undanfarin ár

Í júní verður boðið upp á tvö trampólín námskeið fyrir börn á aldrinum frá 6-14 ára (2009-2018) í fimleikahúsinu við Giljaskóla. Fyrra námskeiðið er 4 dagar eftir hádegi 13:00 - 17:00 og seinna námskeiðið er 5 dagar eftir hádegi frá kl. 13:00 - 17:00. Trampólínnámskeiðin verða haldin á eftirfarandi dagsetningum: 1: 18-21 júní. (4 dagar) kl. 13:00-17:00. 2: 24-28 júní (5 dagar) kl. 13:00 - 17:00. Verð fyrir 5 daga námskeið er 15.000 kr. og 12.000 kr. fyrir 4 daga námskeið. Á námskeiðunum verða þátttakendur þjálfaðir í trampólín íþróttinni. Þjálfunin er einstaklingsmiðuð og fer eftir getu og þroska hvers og eins þátttakanda. Það verður farið í öryggisatriðið og undirstöðuatriði íþróttarinnar með öllum þáttakendum en eftir það miðast þjálfunin við hvern og einn. Á námskeiðunum leggjum við upp með hvetjandi umhverfi, og munum haga þjálfuninni í samvinnu með þáttakendum frekar en að keyra stífan aga. Þátttakendur munu því hafa mikið persónulegt rými og stýra eigin þjálfunarhraða. Þó þurfa þátttakendur að hlusta á þjálfaran og fylgja þeim reglum sem þeim eru settar. Athugið að trampólín námskeiðið er einskorðað við trampólínþjálfun og það verður ekki frjáls notkun á öðrum búnaði í fimleikahúsinu nema ef þjálfara leyfa slíkt. Hverjum degi verður deilt upp á eftirfarandi hátt: 1: Upphitun 2: Þjálfun í trampólíni 3: Morgunkaffi 4: Létt upphitun/leikir 5: Þjálfun í trampólíni 6: Frjáls tími og leikir. Þátttakendur þurfa að vera í þykkum íþróttasokkum á trampólínunum eða fimleikaskóm. Annars er engin formlega krafa um klæðnað annað en að fötin þurfa að vera laus við rennilása og annað dinglumdangl. Gott er að vera í síðum aðskornum íþróttabuxum og þunnum langermabol en það má gjarnan mæta í fimleikafötum, stuttbuxum og öðru slíku. Það verður líklega hlýtt í fimleikahúsinu svo að þykk föt verða líklega til trafala. ATH að þáttakendur mega ekki vera með skartgripi eða úr þegar þú þjáfla trampólín. Þátttakendur þurfa að taka með sér nesti fyrir kaffipásu og vatnsbrúsa. Skráning fer fram í gegnum Abler: Skráning á Trampólínnámskeið. Fjöldi þátttakenda miðast við 10 á hvoru námskeiði og einnig áskiljum við okkur rétt til þess að fella námskeiðið niður ef það verður ekki næg þátttaka. Umsjón með námskeiðunum hefur Tómas og nánari upplýsingar er hægt að fá á tölvupóstfanginu buchdal@gmail.com og á facebook síðunni Trampólín á Akureyri.

Það er með mikilli ánægju að aðalstjórn KA í samstarfi við KA/Þór kynnir til leiks Sportskóla KA/Þór sem fram fer í fjórar vikur í júlí í Naustaskóla