KA-HK kl 20:00

07.12.2007

Í kvöld og á laugardaginn mætast lið HK og KA í fyrstu deild karla í blaki. Í fyrra mættust þessi lið nokkrum sinnum og hafði HK oftast betur. Liðin mættust t.d. í undanúrslitum Íslandsmótsins og vann HK þar í spennandi viðureignum.Liðin enduðu í 2 og 3 sæti í deildinni síðasta ár og ætti þetta því að verða jafn leikur samkvæmt því. HK liðið hefur þó misst marga menn frá síðasta tímabili og er liðið að mestu skipað ungum leikmönnum.

KA: KA liðið náði sér ekki á strik í síðustu leikjum sínum þar sem það tapaði fyrir Þrótti í tveimur leikjum. Liðið er eins og stendur í fjórða sætinu með 9 stig en ÍS eru þar næst á undan með 11 stig en hafa leikið einum leik meira.KA verða án Filip í kvöld þar sem hann er í banni eftir rauða spjaldið í síðasta leik og verður því gamla kempan Haukur Valtýsson í uppspilinu í kvöld.

HK: HK liðið hefur ekki byrjað vel þetta tímabil og eru eins og er í neðsta sætinu með aðeins tvö stig og eiga enn eftir að vinna leik. Þeir hafa misst marga leikmenn frá því í fyrra en meðal þeirra eru Valur Guðjón sem fór í Þrótt R., Todor Marinov sem fór í ÍS og Ólafur Viggóson sem flutti til Ítalíu. Það er því ljóst að HK ætla að mestu að treysta á ungu leikmennina sína og verður athyglisvert að sjá hvernig þeir standa sig.

Blakdeild KA hvetur sem flesta að fjölmenna á leikinn og hvetja KA menn til dáða.

Til baka