Útileikur gegn Fram á föstudaginn

KA vann góðan sigur á Fram í fyrri umferðinni

KA mætir Fram á föstudaginn klukkan 19:15 á Laugardalsvelli í 12. umferð Inkasso deildarinnar. KA er á toppi deildarinnar með 26 stig en Framarar hafa verið frekar óstöðugir og eru með 13 stig í 7.-8. sætinu.

Liðin mættust einmitt í fyrstu umferð deildarinnar og það á KA-vellinum. Eftir markalausan fyrri hálfleik þá gerðu okkar menn þrjú mörk en þar voru á ferðinni þeir Elfar Árni, Aleksandar Trninic og Almarr Ormars. Mörkin úr leiknum má sjá hér fyrir neðan:

Við hvetjum að sjálfsögðu alla til að gera sér ferð í Laugardalinn og sjá til þess að okkar lið haldi áfram á sigurbraut enda er nóg eftir af tímabilinu. Fyrir ykkur sem ekki komist á leikinn þá verður leikurinn sýndur á Stöð 2 Sport, áfram KA!