Risaleikur hjá Þór/KA í dag

Hvert verður forskot Þórs/KA á toppnum í lok dags?

Kvennalið Þórs/KA á risaleik í dag þegar liðið sækir Bikarmeistara Breiðabliks heim í 11. umferð Pepsi deildar kvenna. Leikurinn hefst klukkan 16:00 og hvetjum við alla sem geta til að mæta og hvetja stelpurnar til sigurs. Fyrir ykkur sem ekki komist þá verður leikurinn í beinni útsendingu á Stöð 2 Sport.

Þarna mætast toppliðin í deildinni og ljóst að úrslit þessa leiks munu hafa ansi mikið að segja upp á framhaldið í deildinni. Með sigri í dag ná stelpurnar 7 stiga forskoti á Breiðablik og 6 stiga forskoti á Stjörnuna sem situr í 2. sæti sem stendur þegar 7 umferðir væru eftir af deildinni.

Hinsvegar myndu Blikastúlkur setja toppbaráttuna í algjört uppnám nái þær sigri því þá væri forskot Þórs/KA á toppnum aðeins 1 stig og Stjörnustúlkur aðeins 3 stigum á eftir.

Þetta er síðasti leikurinn fyrir langt EM hlé en kvennalandslið Íslands er á leiðinni til Hollands á EM og því mikilvægt að ná að viðhalda forskotinu fyrir hléið. Ekki missa af þessum leik og áfram Þór/KA!