Mikilvægur heimaleikur hjá Þór/KA

Kvennalið Þórs/KA tekur á móti ÍBV í gríðarlega mikilvægum leik í Pepsi deildinni á morgun, þriðjudag, en liðin eru fyrir leikinn í 4. og 5. sæti deildarinnar. Með sigri geta okkar stelpur skilið ÍBV nokkuð vel fyrir aftan sig en tapist leikurinn fer ÍBV upp fyrir og þá verður orðið alltof langt í liðin fyrir ofan.

Leikurinn hefst klukkan 16:15 og hvetjum við að sjálfsögðu alla til að gera sér ferð á Þórsvöll þar sem stelpurnar leika sína heimaleiki. Þetta er síðasti leikurinn í fyrri umferðinni og eins og fyrr segir skiptir hann sköpum upp á framhaldið, áfram Þór/KA!