KA tekur á móti Haukum á miðvikudaginn

Strákarnir hafa verið að verjast vel að undanförnu

KA tekur á móti Haukum á Akureyrarvelli á miðvikudaginn klukkan 19:15 í 13. umferð Inkasso deildarinnar. KA trónir á toppi deildarinnar með 29 stig á meðan Haukar sitja í því 10. með 11 stig.

KA á hinsvegar harma að hefna gegn Haukum en eina tap liðsins í deildinni kom einmitt gegn Haukum strax í 2. umferð þegar Hafnfirðingar fóru illa með okkar lið og unnu 4-1 en mörkin úr þessum leik má sjá hér að neðan:

Þó staða KA sé góð í deildinni þá er enn nóg eftir af sumrinu og þarf ekki mikið til svo að liðin sem elta nái okkur. Það er því eina í stöðunni að halda áfram að gefa allt í leikina og þar ert þú stuðningsmaður góður gríðarlega mikilvægur. Við þurfum á öllum að halda í stúkunni til að halda áfram að sigla stigunum heim og færast nær takmarkinu okkar sem er efsta deild, sjáumst á Akureyrarvelli og áfram KA!

KA-TV mun sýna leikinn beint þannig að ef þú kemst ekki á leikinn er um að gera að fylgjast vel með.