HK tekur á móti KA á morgun

Koma strákarnir sér á toppinn?

Á morgun, laugardag, tekur HK á móti KA í Kórnum í leik í 18. umferð Inkasso deildarinnar. Leikurinn er ansi mikilvægur fyrir bæði lið en heimamenn eru að berjast fyrir lífi sínu í harðri fallbaráttu á meðan okkar menn geta tyllt sér á topp deildarinnar með sigri.

Við hvetjum að sjálfsögðu alla sem geta til að mæta á leikinn en hann hefst klukkan 16:00 en fyrir ykkur sem ekki komist í Kórinn þá verður KA-TV með beina útsendingu frá leiknum þannig að það er um að gera að fylgjast vel með gangi mála, áfram KA!

Hér er hægt að fylgjast með útsendingu leiksins á KA-TV.