Fotbolti.net spáir Þór/KA 1. sætinu
02.05.2018
Þór/KA heldur titlinum samkvæmt spánni
Það er farið að styttast í að Pepsi deild kvenna hefjist og birti Fotbolti.net spá sína fyrir deildina í dag. Spekingarnir þar spá Þór/KA Íslandsmeistaratitlinum en stelpurnar eru einmitt ríkjandi meistarar og urðu í síðustu viku bæði Deildabikarmeistarar og Meistarar Meistaranna. Fyrsti leikur hjá liðinu í sumar er á laugardaginn þegar liðið sækir Grindavík heim.
Liðinu er einnig spáð titlinum af fyrirliðum og forráðamönnum liðanna í deildinni. Það er því búist við miklu af liðinu í sumar.
Við hvetjum ykkur eindregið til að kíkja á skemmtilega umfjöllun fotbolti.net um liðið en sérfræðingur þeirra um Pepsi deild kvenna er einmitt fyrrum þjálfari Þór/KA hann Jóhann Kristinn Gunnarsson.