Birkir Bjarna: Ég er KA-maður

11.10.2013
Birkir er flottur í gulri treyju en hér er hann í leik með Pescara.
Birkir er flottur í gulri treyju en hér er hann í leik með Pescara.

Landsliðsmaðurinn Birkir Bjarnason sagði í viðtali við fotbolti.net að hann væri KA-maður. Birkir leikur núna í Seriu A á Ítalíu með Sampdoria. Hann hefur verið einn af lykilmönnum Lars Lagerback sem leika í kvöld gegn Kýpur og á þriðjudaginn gegn Norðmönnum.

Birkir hóf að æfa knattspyrnu með KA ungur að árum en flutti fljótlega til Noregs. Hans síðustu leikir með KA voru á ReyCup þegar hann var 14 ára en þá kom hann í heimsókn frá Noregi.

Miðað við þann samanburð að hafa æft hjá KA þá telur hann að það sé betra að æfa í yngri flokkum á Íslandi en í Noregi.

,,Ég held að það sé almennt betra. Maður æfir meira og er með þjálfara sem eru menntaðir og fá borgað fyrir það. Það er ekki í Noregi, þar eru pabbar að þjálfa."

,,Þetta er annar æfingakúltúr í Noregi og maður fékk sjokk fyrst. Eftir að hafa æft fimm sinnum í viku á Íslandi fór maður allt í einu að æfa 1-2 í viku í Noregi og þá þurfti maður að æfa mikið einn."


Framundan eru mikilvægir leikir gegn Kýpur heima og Noregi úti þar sem hagstæð úrslit þýða að liðið nær umspilssæti á HM.

,,Ég er mjög spenntur. Þetta eru mikilvægustu leikirnir sem ég hef spilað fyrir landsliðið og þetta verður mjög gaman. Við erum í mjög góðri stöðu núna og við þurfum að gera okkar vinnu, þá erum við í mjög góðum séns."

Viðtalið má sjá í heild sinni á fotbolti.netþar sem Birkir kemur t.d. inn á að það kom aldrei til greina að spila fyrir Noreg og dvöl hans á Ítalíu.
Til baka