Nýjustu myndböndin

FH - KA 0-3, Coca-Cola Bikarinn 2001
1. deildarlið KA mætti sterku liði FH í undanúrslitum Coca-Cola Bikarsins sumarið 2001. Flestir reiknuðu með sigri FH en með magnaðri spilamennsku fór KA með öruggan sigur af hólmi. Hreinn Hringsson kom KA yfir í fyrri hálfleik áður en Ívar Bjarklind og Þorvaldur Makan Sigbjörnsson bættu við mörkum í síðari hálfleik.

KA Íslandsmeistari 2002
Tímabilið 2001-2002 lenti KA í 5. sæti í deildarkeppninni. Liðið kom hinsvegar sterkt til leiks í úrslitakeppninni og sló út Gróttu/KR og Deildarmeistara Hauka áður en liðið mætti Valsmönnum í úrslitum.

Rimma KA og Vals var ógleymanleg en Valur vann fyrstu tvo leikina en ótrúleg endurkoma tryggði KA Íslandsmeistaratitilinn

Lið KA skipuðu: Andrius Stelmokas, Arnar Sæþórsson, Árni Björn Þórarinsson, Arnór Atlason, Baldvin Þorsteinsson, Egidijus Petkevicius, Einar Logi Friðjónsson, Haddur Júlíus Stefánsson, Halldór Jóhann Sigfússon, Hans Hreinsson, Heiðmar Felixson, Heimir Örn Árnason, Hreinn Hauksson, Ingólfur Axelsson, Jóhann Gunnar Jóhannsson, Jóhannes Ólafur Jóhannesson, Jónatan Magnússon, Kári Garðarsson og Sævar Árnason. Atli Hilmarsson þjálfaði liðið

KA Menn Vinnum Leikinn - Amma Dýrunn
Árið 1992 var fyrsta útgáfa þessa lags tekin upp í Studio Samver. Það var hljómsveitin Amma Dýrunn sem flutti ásamt Níels Ragnarssyni. 1995 fór Árni Jóhannsson með KA liðið í studíó RÚVAK og fékk liðsmenn til að syngja inn á viðlagið. Sá sem stjórnaði því var Siggi Þorsteins.

Áfram KA Menn - Karl Örvarsson
Útgáfa Karls Örvarssonar af laginu Áfram KA Menn, knattspyrnulagi KA. Þessi útgáfa var gerð sumarið 1989 sem er einmitt sumarið sem KA varð Íslandsmeistari í knattspyrnu. Lagið var frumflutt á Akureyrarvelli á leik KA og Vals þar sem um 2.000 áhorfendur voru mættir! Lagið er samið af Bjarna Hafþóri Helgasyni