Stefna og markmið

1. Stefna og markmið

Knattspyrnufélag Akureyrar er íþróttafélag með fjórar deildir, blakdeild, handknattleiksdeild, knattspyrnudeild og spaðadeild. Félagið starfar innan vébanda Íþróttabandalags Akureyrar og í samstarfi við sérsambönd viðkomandi deilda. Einnig lýtur félagið lögum og reglum ÍSÍ.

Starfsemi félagsins byggir á lögum þess. Meginhlutverk er að vinna að eflingu íþróttastarfs, glæða áhuga almennings á gildi íþrótta og virkja sem flesta til þátttöku í íþróttum og almennu félagsstarfi.

Íþróttafélagið stendur fyrir þjálfun í íþróttagrein hverrar deildar. Áhersla er lögð á að deildir félagsins eigi með sér samstarf auk þess sem stjórnendur deilda eru hvattir til aukinnar samvinnu við stjórnendur grunnskóla og annarra aðila sem hafa með hagsmuni barna- og unglinga að gera. Þannig má skapa tækifæri til íþróttaiðkunar á breiðum grunni.

Stefnumið í ýmsum málaflokkum

Eitt af meginmarkmiðum Knattspyrnufélags Akureyrar er að stuðla að iðkun íþrótta fyrir keppnis- og afreksfólk. Þá er það einnig hlutverk KA að fylgjast með því að starfsemi deilda fari fram samkvæmt gildandi lögum. Knattspyrnufélag Akureyrar stefnir að því að skapa iðkendum íþrótta góðar aðstæður til íþróttaiðkunar og keppni. Í þjálfun og kennslu er leitast við að taka tillit til getu, þroska og aldurs iðkenda. Þjálfarar og stjórnarmenn starfa eftir stefnu og markmiðum félagsins

Þjálfaramenntun

Að þjálfarar sem starfa innan Knattspyrnufélags Akureyrar

• hafi fagþekkingu á sviði þjálfunar og/eða kennslu í samræmi við kröfur sérsambanda hverrar greinar og menntakerfis Íþrótta- og Ólympíusambands Íslands.
• sæki námskeið á  meðan þeir starfa við þjálfun til að auka við þjálfaramenntun sína.

Skipulag félags og deilda

Að aðalstjórn KA stuðli að því:

• að stjórnendur deilda vinni eftir skráðu skipuriti 
• að öflugt samstarfi sé á milli deilda eða hópa
• að stjórnendur og þjálfarar deilda fylgi eftir skrásettum stefnum og markmiðum félagsins
• að hver deild vinni að markmiðasetningu fyrir innra starf sinnar deildar

Foreldrasamstarf

Að aðalstjórn KA og stjórnir deilda og ráða

• upplýsi foreldra um helstu markmið félags og deilda
• vinni að því að fá foreldra til starfa að félagsmálum innan félagsins
• setji starfsreglur vegna foreldrastarfs sem ráð hverrar deildar vinnur eftir

Fræðsla og forvarnir

Að aðalstjórn KA stjórnir deilda, ráða og þjálfarar

• vinni eftir forvarnarstefnu ÍSÍ
• standi fyrir fræðslu fyrir iðkendur og foreldra um gildi íþrótta og ýmsa þætti þeim tengda s.s. næringu, svefn og hvíld.
• leiti eftir fræðslu frá og samvinnu við sérmenntað fólk og stofnanir þeim tengdum varðandi forvarnir á ýmsum sviðum.

Jafnrétti

Að aðalstjórn KA og stjórnir deilda og ráða

• stuðli að greiðum aðgangi beggja kynja að þeim íþróttum sem hjá félaginu eru stundaðar
• stuðli að því að bæði drengjum og stúlkum séu kynntar þær greinar sem stundaðar eru hjá félaginu
• stuðli að því að skapa öllum jafna möguleika á að stunda íþróttir innan félagsins

Fjármál og rekstur

Að aðalstjórn KA og stjórnir deilda og ráða sjái til þess:    

• að nákvæm fjárhagsáætlun sé gerð fyrir félag og deildir
• að markvisst eftirliti sé með áætlanagerð félags og deilda og að endurskoðun sé virk og fari reglulega fram
• að bókhald yngri og eldri flokka hverrar deildar sé aðskilið
• að allir starfsmenn félagsins séu launþegar

Mannvirki og umhverfismál

Að aðalstjórn KA og stjórnir deilda og ráða og þjálfarar:

• vinni að því að mannvirki og aðstaða sem félagið hefur aðgang að fullnægi þörfum þeirra íþróttagreina sem hjá félaginu eru stundaðar
• sjái til þess að umhverfismál félagsins séu í takt við stefnu stjórnvalda hverju sinni
• leggi áherslu á góða umgengni iðkenda innan húss og utan
• sjái til þess að iðkendur, þjálfarar og starfsfólk gangi frá á íþróttasvæði eftir æfingar og keppni
• sjái um að keppnis- og æfingasvæði séu vímuefnalaus
• að leitast sé við að nota umhverfisvæn efni sem mest utan húss og innan
  
  

2. Markmið

Meginmarkmið KA

Meginmarkmið Knattspyrnufélags Akureyrar er að sjá til þess að félaginu séu skapaðar aðstæður þannig að einstaklingar geti eflt þroska sinn og fengið tækifæri til iðkunar þeirra íþrótta sem hjá félaginu eru stundaðar. Hér á eftir er að finna helstu markmið sem snúa að þátttöku:

• barna og unglinga
• keppnis- og afreksfólks

Meginmarkmið með þátttöku barna og unglinga

Að aðalstjórn KA og stjórnir deilda og ráða sjái til þess að:

• þjálfarar hafi fagþekkingu með hliðsjón af menntakerfi ÍSÍ og sérsambanda til að stjórna og þjálfa börn og unglinga og skipuleggi íþróttastarfið við þeirra hæfi
• þjálfarar efli á markvissan hátt ýmsa þroskaþætti barna, s.s.
• íþróttastarf sé skipulagt á þann hátt að börn og unglingar nái tökum á þeim greinum sem hjá íþróttafélaginu eru stundaðar
• gefinn sé kostur á að stunda  keppnis- og afreksíþróttir innan hverrar deildar
• samfara íþróttaiðkun sé unnið með aga, stundvísi og reglusemi
• innan hverrar deildar sé sérstök námskrá sem lýtur að þjálfun hvers aldurs flokks þar sem fylgt er Barna- og unglingastefnu ÍSÍ sjá til þess að í yngstu aldurflokkunum.

• félags-, tilfinninga- og siðgæðisþroska
• líkamsþroska
• skyn- og hreyfiþroska

Meginmarkmið með keppnis- og afreksíþróttum

Að aðalstjórn KA og stjórnir deilda og ráða og þjálfarar stuðli að:

• markvissri eflingu félagslegra þátta keppnis- og afreksfólks
• skipulagi þjálfunar með bætta heilsu að leiðarljósi
• aukinni fræðslu og þekkingu iðkenda á líkama og heilsu
• því að keppnis- og afreksfólk fái góða aðhlynningu hjá ýmsum faghópum, s.s. læknum, sjúkraþjálfurum og næringafræðingum
• því að styðja við einstaka afreksmenn eins og kostur er
• því aðkeppnis- og afreksíþróttamenn séu góðar fyrirmyndir

Auk þess er markmið KA að

• gefa árlega út æfinga- og keppnisáætlun fyrir alla aldurshópa
• setja fram markmið og áherslur í þjálfun allra aldurshópa
• hvetja stúlkur jafnt sem pilta til þátttöku í íþróttum
• stuðla að jafnrétti í þjálfun
• vinna eftir vímuvarnarstefnu félagsins
• kynna árlega starfsemi félags og deilda fyrir íbúum og skólum í sveitarfélaginu

Markmið Knattspyrnufélags Akureyrar og deilda í keppnis- og afreksíþróttum er að eiga ávallt breiðan hóp afreksmanna í fremstu röð þeirra íþróttagreina sem eru stundaðar hjá félaginu.