Vinnudagar á Greifavellinum - við þurfum aðstoð!

Það er mikið verk að gera Greifavöllinn tilbúinn fyrir átök sumarsins og óskum við því eftir sjálfboðaliðum við að aðstoða okkur við verkið. Það verða vinnudagar á vellinum í dag, mánudag, sem og þriðjudag og miðvikudag frá klukkan 18:00 til 20:00.

Um er að ræða klassísk vorverk eins og ruslatínslu, smá málningarvinnu, þrif og að hengja upp auglýsingaskilti og annað slíkt. Margar hendur vinna létt verk og munum við bjóða upp á pizzur fyrir þá sem aðstoða okkur við verkið.

Hlökkum til að sjá ykkur og áfram KA!