Þrjár valdar í landsliðsverkefni

Þrír leikmenn Þór/KA hafa verið valdar í landsliðsverkefni í september. Sandra María var valin í lokahóp A-landsliðsins og Anna Rakel og Andrea Mist í lokahóp U19.

A-landsliðið leikur tvo heimaleiki gegn Slóveníu föstudaginn 16. september og þriðjudaginn 20. september á Laugardalsvelli. Liðið situr í efsta sæti riðilsins með fullt hús stiga með markatöluna 29-0. Við hvetjum því alla sem eiga leið suður að styðja stelpurnar og mæta á völlinn!

U19 ára liðið fer til Finnlands þar sem það tekur þátt í undankeppni EM. Leikirnir fara fram 15., 17. og 20. september gegn Finnlandi, Færeyjum og Kasakstan.

Til gamans má geta eins og oft hefur komið fram þá þjálfa Sandra María og Anna Rakel í yngriflokkum KA. Þær hafa gefið yngri stúlkum félagsins innblástur enda frábærar fyrirmyndir.