Mark Gundelach til liðs við KA

Velkommen Mark!

Danski bakvörðurinn Mark Gundelach er genginn til liðs við KA og mun leika með liðinu út núverandi keppnistímabil. Mark sem er 29 ára gamall kemur frá HB Köge í Danmörku en hann hefur einnig leikið með Roskilde, SönderjyskE og Nordsjælland í Danmörku.

Mark hefur leikið alls 257 leiki fyrir dönsku liðin en hann lék meðal annars í riðlakeppni Meistaradeildar Evrópu með Nordsjælland. Í þessum leikjum hefur hann skorað 7 mörk og verður gaman að sjá til þessa öfluga kappa í KA búningnum út tímabilið.

KA er í harðri baráttu í efri hluta deildarinnar þegar liðið á níu leiki eftir og verður spennandi að sjá hvernig Mark nær að koma inn í okkar öfluga lið. Við bjóðum hann hjartanlega velkominn norður og í gult og blátt!