Perlum saman á sunnudaginn fyrir góðu málefni

Setjum stefnuna á nýtt met hér á Akureyri!

Sunnudaginn 6. maí milli klukkan 13 og 17 verður skemmtilegur viðburður í Íþróttahöllinni á Akureyri. Kraftur, félag ungs fólks sem greinst hefur með krabbamein, ÍBA, KA og Þór standa saman að því að perla armbönd sem verða svo seld til styrktar starfi Krafts.

Við hvetjum alla til að mæta og hjálpast að við þetta frábæra framtak, öll armböndin eru gerð í sjálfboðavinnu og verður hægt að kaupa armband á staðnum.

Nýverið var átakið í Vestmannaeyjum og var þar sett nýtt met en samtals voru perluð 1.538 armbönd og ljóst að við Akureyringar þurfum klárlega að reyna að slá það met!

Smelltu hér til að nálgast viðburðinn á facebook.