KA-TV: Mörkin úr bikarsigrinum á Tindastól

Gestirnir vörðust vel en KA hafði betur á endanum

KA tók á móti Tindastól í Borgunarbikar karla á KA-velli þann 10. maí 2016. Gestirnir frá Sauðárkrók komust yfir á 64. mínútu með marki frá Ragnari Þóri Gunnarssyni en Orri Gústafsson jafnaði strax metin fyrir KA eftir stoðsendingu frá Baldvin Ólafssyni.

Staðan var enn jöfn 1-1 þegar flautað var til loka venjulegs leiktíma og því þurfti að framlengja og þar gerði Almarr Ormarsson sigurmarkið í síðari hálfleik framlengingarinnar eftir stoðsendingu frá Ívari Erni Árnasyni og KA því komið í 32-liða úrslit keppninnar.

Leikurinn var sýndur í beinni á KA-TV og má sjá mörkin úr leiknum hér að neðan en leiknum lýstu þeir Egill Ármann Kristinsson og Siguróli Magni Sigurðsson.