Aleksandar Trninic skrifar undir nýjan samning við KA

Aleksander skoraði fallegasta mark sumarsins

Þau gleðitíðindi voru að berast að Aleksandar Trninic hefur kvittað undir nýjan tveggja ára samning við KA. Aleksandar kom til félagsins á vormánuðum þessa árs og lék með KA í Inkassodeildinni í sumar.

Aleksandar lék feikilega vel með KA í sumar. Hann byrjaði rólega en óx ásmeginn þegar leið á sumarið og verður ekki tekið af honum að hann var einn af betri mönnum liðsins þegar líða tók á sumarið.

Hann vann ótal marga skallabolta og tæklingar inn á miðjunni fyrir KA liðið og barðist eins og ljón í hverjum einasta leik. Aleksandar skoraði fjögur mörk og meðal annars mark sumarsins á móti Leikni F í þeim 19 leikjum sem hann spilaði í deildinni og fékk 6 gul spjöld og eitt rautt.

Það er mikið gleðiefni að Aleksandar hafi skrifað undir nýjan samning enda áhersla lögð á það að halda því sterka liði sem við erum með saman fyrir átökin í Pepsi-deildinni á næsta ári.