Frábært hjá Helgu á Vormóti JSÍ

Feðginin Helga Hansdóttir og Hans Rúnar Snorrason kepptu á Vormóti JSÍ sem fram fór í Reykjavík nú umhelgina. Helga, sem vanalega keppir í -57kg, færði sig upp um flokk og keppti í -63kg. Hún glímdi afarvel og sigraði alla sína andstæðinga og stóð því upp með gullverðlaun. 

Frammistaða Helgu í vetur er búin að vera mjög glæsileg.  Hún sigraði á Kyu-móti JSÍ, Afmælismóti JSÍ, bæði í 15-16 ára flokki og fullorðinsflokki, og hún er Íslandsmeistari í 15-16 ára flokki.  Íslandsmót fullorðinna verður í lok apríl og þar á Helga mjög góða möguleika á sigri.  Í sumar mun Helga keppa á Olympíuleikum æskunnar og Norðurlandamóti 15-16 ára.

Faðir Helgu, Hans Rúnar Snorrason keppti einnig á Vormótinu.  Hann keppti í -73kg. flokki og vann til bronsverðlauna.  Hans Rúnar er orðinn 36 ára en er engu að síður í hópi bestu júdómanna landsins.