Partille Cup pistill 3

5. júlí byrjaði með látum, Bernharð markmaður hjá eldra strákaliðinu sagðist eiga afmæli svo það fóru allir að óska honum til hamingju ásamt því að afmælissöngur var sunginn.

Svo þegar leið á daginn þá kom upp úr krafsinu að hann á nú ekki afmæli fyrr en á þann 6. júlí. Góður Benni! Það gengur á með hálku og leikirnir mótuðust töluvert að því. Tuttugu og fimm stiga hiti og sviti talinn í lítrum.
Eldra lið drengja fór á kostum í dag og vann báða sína leiki örugglega. Þeir spila því í A- úrslitum á morgun gegn sterku dönsku liði.
Yngra lið drengjanna spilaði magnaðan leik gegn ósigruðum Rússum og dugði jafntefli til að tryggja sig í A-úrslitin. Þegar 10 sekúndur voru eftir var staðan jöfn og KA-drengir í sókn þá tókst skankalöngum Rússa að komast inn í sendingu og bruna upp og fiska víti sem tryggði þeim sigurinn. Frábær leikur en B- úrslit staðreynd.

Stúlkurnar léku við löndur sínar í KR og rúlluðu yfir þær. Þær enda í fjórða sæti og spila í B- úrslitunum.

Eftir hádegið fóru allir í Liseberg skemmtigarðinn sem er hreint stórkostlegur. Þar skemmtu allir sér frábærlega og lokuðu hringnum með dansiballi þar sem stignir voru sænskir þjóðdansar. Allir kátir og glaðir og spenntir fyrir úrslitunum á morgun.

Kveðja
Þjálfarar

Hópurinn við brottförina frá KA heimilinu.  Mynd: Þórir Tryggvason