Olís-deild kvenna: Grótta vann KA/Þór í hörkuleik

Meistaraflokkur KA/Þór hélt suður á Seltjarnarnes á laugardaginn þar sem þær mættu sterku liði Gróttu. Grótta komst í úrslitaleik bikarkeppninnar í fyrravetur og er spáð 5. sæti í Olís-deildinni í vetur á sama tíma og KA/Þór er spáð neðsta sætinu.
Leikurinn var í miklu jafnræði til að byrja með, Grótta þó með frumkvæðið. Um miðjan fyrri hálfleikinn komst KA/Þór yfir með góðum leikkafla. Grótta komst þó aftur yfir og leiddi í hálfleik 13-11.

KA/Þór tók aftur forystuna í upphafi seinni hálfleiks með því að skora fyrstu þrjú mörkin. Það fór þó svo að Grótta fór með fjögurra marka sigur 25-21 og geta þær að mestu þakkað það Íris Björk Guðmundsdóttur sem var frábær í markinu og varði meðal annars þrjú vítaköst en KA/Þór misnotaði alls fjögur vítaköst í leiknum.

Birta Fönn Sveinsdóttir og Martha Hermannsdóttir áttu magnaðan leik hjá KA/Þór en þær skoruðu sex mörk hvor. Sigurbjörg Hjartardóttir kom aftur í markið hjá KA/Þór eftir nokkurra ára fjarveru og minnti vel á sig með því að verja 12 skot, þar af 2 víti.

 

Myndir fengnar af sport.is

Mörk KA/Þór: Birta Fönn Sveinsdóttir 6, Martha Hermannsdóttir 6 (3 víti), Arna Valgerður Erlingsdóttir 3, Simone Antonia 3, Erla Hleiður Tryggvadóttir 2, Katrín Vilhjálmsdóttir 1.

Mörk Gróttu: Unnur Ómarsdóttir 7 (2 víti), Laufey Ásta Guðmundsdóttir 5, Sóley Arnarsdóttir 4, Eva Björk Davísdóttir 3 (1 víti), Anett Köbli 2, Þórunn Friðriksdóttir 1, Lene Burmo 1.
Íris Björk Símonardóttir varði 13 skot (3 víti) og Elín Jóna Þorsteinsdóttir 1 víti.

Hér að neðan eru síðan vídeóviðtöl við Mörthu Hermannsdóttur og Unni Ómarsdóttur sem við fundum á handbolti.org.