Lokahóf yngri flokka og sumaræfingar

Það verður líf og fjör á lokahófinu (mynd: Þ.Tr)

Tímabilinu í handboltanum er að ljúka og styttist í hið skemmtilega lokahóf hjá yngri flokkum KA og KA/Þórs. Að venju verða verðlaunaafhendingar, pizzuveisla og hinir ýmsu leikir í boði. Við hvetjum að sjálfsögðu alla handboltakrakka til að mæta og auðvitað foreldra og forráðamenn til að njóta skemmtunarinnar.

Lokahófið verður haldið fimmtudaginn 17. maí klukkan 18:00 og hlökkum við mikið til að sjá ykkur.

Þá styttist í að sumaræfingar hefjist en það hefur gefist mjög vel að bjóða upp á sumaræfingar undanfarin ár og verður engin breyting þar á í ár. Æfingarnar eru fyrir 5. og 6. flokk drengja og stúlkna en þetta eru krakkar fæddir 2004-2007. Þjálfarar verða þeir Jónatan Magnússon og Stefán Árnason. Egill Ármann Kristinsson sér svo um styrktaræfingar.

Verð fyrir námskeiðið er 15.000 krónur og skráningarfrestur er til 18. maí. Skráning fer fram á ka.felog.is og hafið endilega samband við jonni@ka.is eða komið í KA-Heimilið ef einhverjar spurningar vakna eða vandamál eru með skráninguna.

Æfingarnar hefjast þriðjudaginn 29. maí og lýkur föstudaginn 29. júní.